आईपीएलमा लखनउको विजयी सुरुआत

काठमाडौ- लखनउ सुपर जायन्ट्सले इन्डियन प्रिमियर लिग आईपीएल मा विजयी सुरुआत गरेको छ ।

राति समपन्न खेलमा लखनउले दिल्ली क्यापिटल्सलाई ५० रनले पराजित गरेको हो ।

लखनउले सुरुवातमा जितका लागी दिएको १९४ रनको लक्ष्य पछ्याएको दिल्लीले पुर ओभर खेल्दै ९ विकेटको क्षतिमा मात्र १४३ रन  बनायो ।

दिल्लीका लागि डेविड वार्नरले सर्वाधिक ५६ रन बनाउदा रउसोले ३० रन र पृथ्वी शाहले  १२ रन बनाए । 

लखनउका लागि मार्क उडले सर्वाधिक पांच तथा आवेस खान र रवि बिष्नोईले समान २/२ विकेट लिए । 

त्यसअघि टस हारेर पहिले ब्याटिङ गरेको लखनउले पुरा ओभर खेल्दै ६ विकेटको क्षतिमा १९३ रन बनाएको थियो ।

लखनउका लागि कायल मेयर्सले सर्वाधिक ७३ रन बनाउदा निकोलस पुरनले ३६ रन बनाए। त्यस्तै कुर्नाल पाण्ड्याले १५ रन र 

आयुष बदोनीले १८ रन बनाए ।

दिल्लीका लागि खलिल अहमद र चेतन साकरियाले समान २-२ तथा अक्षर पटेल र कुलदिप यादवले समान १-१ विकेट लिए ।

यो जितसॅगै लखनउले लिगमा दुईअंक जोडेको छ।