कोशी ललितपुर मेयर्स कपको फाइनलमा

काठमाडौ-  जारी ललितपुर मेयर्स महिला च्याम्पियनसिप टी-२० राष्ट्रिय क्रिकेट प्रतियोगिताको कोशी प्रदेश फाइनलमा प्रवेश गरेको छ । 

आज भएको  खेलमा मधेश प्रदेशलाई ६२ रनले पराजित गर्दै कोशीले फाइनलमा स्थानमा सुरक्षित गरेको हो ।  

कोशीले दिएको १ सय ६ रनको लक्ष्य पछ्याएको मधेशले २० ओभरमा ९ विकेटको गुमाएर ४३ रन मात्रै बनाउन सक्यो। 

मधेशका लागि सरस्वती कुमारीले सर्वाधिक १० रनको योगदान गरिन् । 

कोशीका लागि कप्तान रुविना क्षेत्री,अलिशा खडियाले समान २/२ तथा निशा शाहले १ विकेट हात पारिन् ।  

त्यसअघि त्रिवि मैदान टस हारेर पहिला ब्याटिङ गरेको कोशीले निर्धारित २० ओभरमा ६ विकेटको क्षतीमा १ सय ५ रन बनायो ।  

जसमा कप्तान रुविना क्षेत्रीले ३९तथा कांजल श्रेष्ठले २२ रन बनाईन् । अप्सरी वेगमले १९ रनको योगदान गरिन् ।  

मधेशकी सन्तोशी चौधरी,अमिरन निशा र अमिशा पटेलले समान २/२ विकेट हात पारिन् । 

कोशीले एपीएफसँग चैत १६ गते फाइनल  खेल्नेछ ।