काठमाण्डौंको पुनरागमन जित, तेस्रो स्थानमा उक्लियो

जारी नेपाल सुपर लिग एनएसएलमा काठमाण्डौं रेजर्सले पुनरागमन जित निकालेको छ। पोखरा थन्डर्ससंग १-० गोलले पछि परेको अवस्थालाई उल्टाउदै २-१ले जित हात पारेको हो। 

दशरथ रंगशालामा पोखरा थन्डर्सका लागि आयुश घलानले गोल गरेको थियो। त्यस्तै काठमाण्डौं रेजर्सका लागि जुनियर एनकेनगुई र शोख्रुक महामदजोजियवले समान एक एक गोल गरेको थियो। 

खेलको ५७ औं मिनेटमा आयुश घलानले गोल गर्दै पोखरालाई अग्रता दिलाएका थिए । 

खेल ८३औं मिनेट जुनियर एनकेनगुईले गोल फर्काउदै खेल १-१ को बराबरीमा ल्याएका थिए । पोखराका डिफेन्डरले क्लियर गर्न नसकेको बलमा उनले प्रहार गरेको गोल गरेको थियो ।

खेलको इन्जुरी समयमा शोख्रुक महामदजोजियवले गोल गर्दै काठमाडौंलाई शानदार जित दिलाए । पोखराका गोलकिपर अघि बढेको अवस्थामा बललाई 'चिप' गर्दै उनले गोल गरेका थिए ।

यस जित संगै काठमाडौंले ८ अंक जोडेर लिग तालिकाको तेस्रो स्थानमा उक्लिएको छ । हारेको पोखरा तालिकाको पोखरा समान अंक भएपनि चौथों स्थानमा झरेको छ ।

भोलीको खेल बुटवल लुम्बिनी र झापा एफसी बिच ५ः०० बजे हुनेछ।