ल्यान्गर भन्छन्, इग्ल्यान्डलाई ‘किलर इन्सिटिन्क्ट’ चाहिन्छ

इंग्ल्यान्ड र अस्ट्रेलियाबीचको एसेज सिरिज सुरु हुनै लागेको बेला जस्टिन ल्यान्गर भन्छन्, इग्ल्यान्डलाई ‘किलर इन्सिटिन्क्ट’ को आवश्यकता छ । अहिले उनी ५४ वर्षका भए । यी अस्ट्रेलियालीले खेलाडीका रूपमा चार पल्ट एसेज सिरिज जिते ।

अनि प्रशिक्षकका रूपमा दुई पल्ट । प्रशिक्षकका रूपमा त उनले अस्ट्रेलियाका लागि एसेज सिरिजमा अविजित नै रहे । इंग्ल्यान्डले भर्खरै भारतविरुद्ध २–२ को बराबरी सिरिज खेलेको छ । पछिल्लो एसेज सिरिज पनि २–२ को बराबरी मै टुंगेको थियो ।

बीबीसीसँगको कुराकानीमा ल्यान्गर भन्छन्, ‘अबको एसेज सिरिज निकै प्रतिस्पर्धात्मक हुन्छ, यसमा कुनै शंका छैन् । मेरो एउटै प्रश्न रहेको छ, के इंग्लिस टिममा किलर इन्सिटिन्क्ट छ त ? मलाई लाग्छ, इंग्लिस टिममा यसको आवश्यकता छ । त्यसपछि पछि मात्र सिरिज जित्न सकिनेछ ।’