कोरियलाई पराजित गर्दै जोर्डन फाइनलमा

जोर्डन एएफसी एसियन कप फुटबलको फाइनलमा प्रवेश गरेको छ ।  मंगलबार साउथ कोरियलाई २–० गोल अन्तरले पराजित गर्दै जोर्डन प्रतियोगिताको फाइनल प्रवेश गरेको हो ।

खेलमा अग्रता जोर्डनले ५३ औं मिनेटमा याजन अल नैमतको गोलमा लिएको थियो । ६६ औं मिनेटमा मौसा अल तमारीको गोलमा जोर्डनले अग्रता दोब्बर बनाएको थियो ।

दोस्रो सेमिफाइनलमा बुधबार इरान र कतारले खेल्नेछन् । फाइनल प्रवेश गर्ने टिमले उपाधिका लागि जोर्डनसँग खेल्नेछ ।