धनगढी झापासंग पराजित

जारी नेपाल सुपर लिग एनएसएलमा झापा एफसीले धनगढी एफसीलाई पराजित गर्दै चौथो स्थानमा उक्लेको छ। दशरथ रंगशालामा बुधबार भएको खेलमा झापाले धनगढीलाई २–० ले पराजित गरेको हो । धनगढीको यो लिगको पहिलो हार रहेको छ। 

झापाका लागि अन्जन विष्ट र समिराज थोकरले समान एक एक गोल गरेका थिए। 

झापाको लागि खेलको ५२ औं मिनेटमा छिरिङ लामाको क्रसमा अन्जनले हेडर गोल गर्दै  अग्रता दिलाएको थियो । 

त्यस्तै खेलको ७७ औं मिनेटमा समिराज थोकरले गोल गर्दै अग्रता दोब्बर बनाएको थियो।

यस जित संगै झापा ७ खेलबाट १० अंक जोड्दै अंक तालिकाको चौथों स्थानमा उक्लिएको छ । हार पछि धनगढी ७ खेलबाट १२ अंक सहित दोस्रो स्थानमा यथावत रहेको छ ।