जय ट्रफीको खेल तालिका सार्वजनिक

काठमाडौं । नेपाल क्रिकेट संघ (क्यान)को आयोजनामा हुने ‘जय ट्रफी पुरुष एलिट कप’ क्रिकेट प्रतियोगिताको खेल तालिका सार्वजनिक भएको छ।

क्यानले बिहीबार सार्वजनिक गरेको तालिका अनुसार प्रतियोगिताको उद्घाटन खेलमा मधेश र बागमती प्रदेश २१ पुषमा प्रतिस्पर्धा गर्ने छन्।

क्यानले पहिलो पटक आयोजना गर्न लागेको रातो बलले खेलिने ‘जय ट्रफी’ इलाइट कप दुईदिवसीय प्रतियोगिताको खेल तालिका सार्वजनिक गरेको हाे। खेलहरु जनकपुर र पर्सामा हुनेछन् जसमा प्रधानमन्त्री कपको सेमीफाइनल पुगेका चार  टिम नेपाल पुलिस क्लब, त्रिभुवन आर्मी क्लब, बागमती प्रदेश र मधेश प्रदेश सहभागी हुनेछन्। प्रतियोगिता आगामी माघ ३ गतेसम्म हुनेछ।