जनकपुर र काठमाडौं भिड्दै

काठमाडौं। नेपाल प्रिमियर लिग (एनपिएल) आजबाट सुरु हुँदैछ। 

र्कीतिपुरस्थित त्रिवि क्रिकेट मैदानमा आजबाट सुरु हुने प्रतियाेगिताकाे उद्घाटन खेलमा साविक विजेता जनकपुर बोल्ट्सले काठमाडौं गोर्खाजको चुनौती सामना गर्नेछ। याे खेल साँझ ४ बजे हुनेछ। यस सिजनको एनपिएलका धेरै जसो खेल नवनिर्मित टियु क्रिकेट मदानको फ्लडलाइटमा हुनेछ।  

गत सिजन जनकपुरले काठमाडौंलाई सहजै हराएको थियो। जनकपुर लिग चरणको अंकतालिकामा दोस्रो भएको थियो। काठमाडौंबाहेक, अन्य खेलमा जनकपुरले विराटनगर किंग्स र कर्णाली याक्सविरुद्ध समान ८ विकेट, पोखरा एभेन्जर्सविरुद्ध ७ विकेट र लुम्बिनी लायन्सविरुद्ध एक रनको रोमाञ्चक जित हासिल गरेको थियो। सुदूरपश्चिम रोयल्स र चितवन राइनोजसँग भने टोलीले क्रमशः ७२ र ३२ रनको हार बेहोर्यो।