भारतले जित्यो साफ यू-१९ को उपाधी

काठमाडौ_ नेपालमा सम्पन्न साफ यू-१९ फुटबलको उपाधी भारतले जितेको छ।

त्रिपुरेश्वरस्थित दशरथ रंगशालामा भएको खेलमा पाकिस्तानविरुद्ध ३-० गोलको सहज जित निकाल्दै भारत च्याम्पियन बनेको हो।

भारतको जितमा दोस्रो हाफमा मैदान प्रवेश गरेका मंग्लेथान किपगेन नायक बने।

उनले दोस्रो हाफको १९औ र ३९ औ मिनेटमा दुवै गोल गरे।

त्यस्तै दोस्रो हाफको इन्जुरि समयमा ग्वामसार गोरेले अर्को गोल थपे।

यो जितसंगै भारतले साफ यू-१९ को उपाधीमा ह्याट्रिक गरेको छ। यसअघिका दुवै संस्करणको उपाधी भारतले जितेको थियो।

भारतले सेमिफाइनलमा घरेलु टोली नेपाललाई पेनाल्टीमा पराजित गरेको थियो।