भारतको नाटकीय जित

भारतले इंग्ल्यान्डमाथि सोमबार छ रनको नाटकीय जित निकालेको छ । पाँचौं, अन्तिम तथा निर्णायक टेस्टको अन्तिम दिन प्राप्त यस सनसनीपूर्ण जितपछि पाँच टेस्टको सिरिज २–२ को बराबरीमा टुंगेको छ ।

उतारचढावपूर्ण खेलमा इंग्ल्यान्डलाई जितका लागि ३ सय ७४ रन चाहिएकोमा ३ सय ६७ रन बनाएर अलआउट भएको थियो । हारले इंग्ल्यान्ड सिरिज जित्न असफल रह्यो ।

इंग्ल्यान्डले पाँचौं दिनको सुरुआत गरेको थियो, छ विकेट गुमाएर ३ सय ५९ रनको स्थितिबाट । त्यस स्थितिमा इंग्ल्यान्डलाई जितका लागि चाहिएको थियो, ३५ रन ।

तर घरेलु टिमले त्यसलाई प्राप्त गर्न सकेन् । भारतलाई जित दिलाउन बलरद्वय मोहम्मद सिराज र प्रसिद्ध कृष्णले महत्त्वपूर्ण भूमिका खेले । सिराजले पाँच र कृष्णले चार विकेट लिए ।