भारत नै हो, उपाधिको बलियो प्रत्यासी

ट्वान्टी ट्वान्टी विश्वकप २०२४ सुरु हुन अब धेरै दिन बाँकी नरहँदा सबैको मनमा एउटा प्रश्न उठ्न सक्छ, उपाधिका लागि बलियो प्रत्यासी को को हुन् । यसको पहिला उत्तर हो, भारत । यो टिम फेरि डिफेन्डिङ च्याम्पियन पनि हो । पूरा सम्भावना के छ भने भारत लगातार दुई पल्ट यो विश्वकप जित्ने पहिलो टिम हुन सक्छ ।

सन् २०२४ मा ट्वान्टी ट्वान्टी विश्वकप विजेयता भारतले अहिलसम्म कुनै पनि दुईपक्षीय सिरिज अथवा प्रतियोगिता गुमाएको छैन् । अझ यसबीचका खेलमा जित हारको प्रभावशाली प्रदर्शन रहेको छ, ३२–५ । त्यसैले त भारत आईसीसीको ट्वान्टी ट्वान्टी वरीयतामा नम्बर १ टिम पनि त हो । यसको प्रमुख कारण फेरि भारतीय टिम बलियो भएर नै हो ।

उदाहरणका लागि भारतीय टिममा ट्वान्टी ट्वान्टी वरीयताको शीर्ष ब्याटर र बलर दुवै छन् । यो वरीयताको नम्बर १ ब्याटर अभिषेक शर्मा हुन् भने नम्बर १ बलर वरुण चक्रवर्ती । भारतीय टिमको एउटा अर्को ठूलो विशेषता हो, अनुभवी र युवा खेलाडीबीच सही तालमेल । टिममा पहिलो पल्ट विश्वकप खेलिरहेका खेलाडी पनि छन्, अनि यसअघि उपाधि जितेका खेलाडी पनि ।

पुराना खेलाडीमध्ये जसप्रित बुमराह र हार्द्धिक पान्ड्या त लयमै छन् भन्दा हुन्छ । खासमा इन्डियन प्रिमियर लिग (आईपीएसल) सुरु भएयता विश्व क्रिकेटको यो कान्छो ढाँचामा झन झन बलियो हुन थालेको छ । भारतीय क्रिकेटले एकसेएक बलियो खेलाडी उत्पादन गर्न थालेको छ । त्यसैले अबको विश्वकपमा भारत नै त्यस्तो टिम हो, जसलाई उपाधिका लागि बलियो प्रत्यासी मान्न सकिन्छ ।