इंग्ल्यान्डलाई जित्न थप ३ सय २४ रन आवश्यक

इंग्ल्यान्ड र भारतबीच चलिहेको पाँचौं तथा अन्तिम टेस्ट साँच्चै रोमाञ्चक मोडमा पुगेको छ । टेस्टमा अझै दुई दिन बाँकी छ र इंग्यान्डलाई जित्न थप ३ सय २४ रन आवयश्यक छ । तेस्रो दिनको समाप्तीमा इंग्ल्यान्ड एक विकेट गुमाएर ५० रनको स्थितिमा छ ।

घरेलु टिमका ओपनर बेन डकेट ३४ रनमा नटआउट छन् । ज्याक क्रली १४ रन बनाएर आउट भए । भारत आफ्नो दोस्रो इनिङ्समा ३ सय ९६ रन बनाएर अलआउट भएपछि इंग्ल्यान्डले ३ सय ७४ रनको जित लक्ष्य पाएको थियो । इंग्ल्यान्डले यो टेस्ट जिते सिरिज ३–१ ले आफ्नो पक्षमा पार्नेछ ।

यो टेस्टमा स्पष्ट नतिजा त आउने भयो नै, यस्तोमा भारतले यो टेस्ट जिते, सिरिज २–२ को बराबरीमा टुंगिनेछ । भारतको दोस्रो इनिङ्समा ओपनर यशस्वी जैसवालले १ सय १८ रन बनाए । इंग्ल्यान्डका लागि भने जस टङ्गले पाँच विकेट लिए ।