आईपीएलमा गुजरातको लगातार दोस्रो जित

काठमाडौ- इन्डियन प्रिमियर लिग (आईपीएल) मा साविक विजेता गुरजात टाइटन्सले लगातार दोस्रो जित दर्ता गराएको छ।

दिल्लीको घरेलु मैदान अरुण जेट्ली क्रिकेट स्टेडियममा भएको खेलमा टाइटन्सले दिल्ली क्यापिटल्सलाई ६ विकेटले पराजित गरेको हो।

दिल्लीले दिएको १६३ रनको लक्ष्य गुजरातले १८.१ ओभरमा ४ विकेट गुमाएर पूरा गर्‍यो ।

गुजरातका लागि साई सुदर्शनले सर्वाधिक ६२ रन बनाउदा विजय शंकरले २९ र डेबिड मिलरले ३१ रन बनाए ।

दिल्लीका लागि एनरिक नोर्कियाले २ तथा खलिल अहमद र मिचेल मार्शले समान १-१ विकेट लिए ।

त्यसअघि टस हारेर पहिला ब्याटिङ गरेको दिल्लीले २० ओभरमा ८ विकेट गुमाएर १६२ रन बनाएको थियो।

दिल्लीका लागि कप्तान डेविड वार्नरले सर्वाधिक ३७,अक्षर पटेलले ३६, सरफराज खानले ३० र अबिशेक पोरेलले २० रन बनाए।

गुजरातका लागि मोहम्मद शामी र राशिद खानले समान ३-३ तथा अल्जारी जोशेफले २ विकेट लिए ।

यो संगै गुजरातले २ खेलमी ४ अंक जोडेर शीर्ष स्थानमा उक्लिएको  छ । उता लगातार दोस्रो हार बेहोरेको दिल्ली अंकविहीन रहदै पुच्छारमा रहेको छ ।