गोन्जालो गार्सिया रियाल म्याड्रिडबाट फुलह्याममा

फुलह्यामले रियाल म्याड्रिडबाट स्ट्राइकर गोन्जालो गार्सियालाई ३४ मिलियन पाउन्ड (करिब ५ अर्ब ७० करोड नेपाली रुपैयाँ)को रकममा अनुबन्ध गरेको छ।

इङ्लिस क्लब फुलह्यामले स्पेनिस युवा फरवार्ड गोन्जालो गार्सियाको स्थानान्तरण औपचारिक रूपमा टुंग्याएको हो। ११ वर्ष रियाल म्याड्रिडको युवा र टोलीमा बिताएका गोन्जालोले अब प्रिमियर लिगमा आफ्नो नयाँ यात्रा सुरु गर्नेछन्।

रियाल म्याड्रिडले यसअघि नै स्थानान्तरण स्वीकृत गरिसकेको थियो भने फुलह्यामले आक्रामक लाइनमा बलियो बनाउन यो ठूलो लगानी गरेको हो। ३४ मिलियन पाउन्डको यो सम्झौता फुलह्यामको इतिहासकै महँगो मध्ये एक मानिन्छ।

गोन्जालोले रियाल म्याड्रिडबाट १ क्लब विश्वकप र १ ला लिगा उपाधि जितिसकेका छन् र अब उनी फुलह्यामको जर्सीमा गोल गर्न तयार छन्।— "रियाल म्याड्रिड सधैं उनको घर रहनेछ। हामी उनलाई र उनको परिवारलाई यो नयाँ यात्राका लागि हार्दिक शुभकामना दिन्छौं।"

गोन्जालो अब प्रिमियर लिगको क्लब फुलह्यामबाट आफ्नो व्यावसायिक करियरको नयाँ अध्याय सुरु गर्नेछन्।