अगाडि नबढ्ने भयो फिफाको विवादास्पद योजना

अन्ततः अन्तर्राष्ट्रिय फुटबल महासंघ (फिफा) को विश्वकपसँगै आफ्ना ठूला प्रतियोगिताको सेयर विक्री गर्ने विवादास्पद योजना अगाडि नबढ्ने भएको छ र यो सुरु हुने वित्तिकै तुहिएको छ । फिफा अध्यक्ष जियानी इन्फान्टिनोले शनिबार आफ्नो योजना फिर्ता लिएको बताएका छन् ।

आफ्नो प्रस्तावको व्यापक विरोध भएपछि इन्फान्टिनाले यो निर्णय गर्न बाधय भएका हुन् । युरोपेली फुटबल महासंघ (यूईएफए) ले फिफाको यो प्रस्ताव कायम रहेसम्म विश्वकप नै बहिस्कार गर्ने धम्की दिएपछि फिफा दबाबमा आएको थियो ।

एसियाली फुटबल महासंघ (एएफपी) लगायत अरू महासंघ पनि यो योजनाको विरोधमा उत्रेको थियो । इन्फान्टिनोले भनेका छन्, यो योजनाले विश्व फुटबलमा विभाजन गर्ने काम गरेको छ, त्यसैले अब यो प्रस्तावलाई अब अगाडि बढाइने छैन् ।