इस्पनयोललाई हराएर भिल्लारियल मजबुत

भिल्लारियलले स्पेनी ला लिगामा सोमबार इस्पनयोललाई ४–१ ले हराएर चौथो स्थानमा आफ्नो पकड अझ बलियो बनाएको छ । एटलेटिको म्याड्रिड र भिल्लारियल समान ४५ अंकमा क्रमशः तेस्रो र चौथो स्थानमा छन् ।

एटलेटिको गोल अन्तरले अगाडि रहेको हो । भिल्लारियल पाँचौंमा रहेको रियल बेटिस भन्दा सात अंकले अगाडि हुनाले उसको अर्को सिजन च्याम्पियन्स लिग खेल्ने सम्भावना मजबुत बनेको छ ।

भिल्लारियलको जितमा जर्जेस मिकाउटाड्जे, निकोलस पेप र अल्बर्टो मोलेरोले भिल्लारियलका एक एक गोल गरेपछि थप एक गोल आत्मघाती प्राप्त भएको थियो । लियान्ड्रो क्याब्रेराले इस्पनयोलका लागि एक सान्त्वता गोल गरे ।