इंग्ल्यान्डको सहज इनिङ्स अन्तरको जित

इंग्ल्यान्डले पहिलो टेस्टमा शुक्रबार पाकिस्तानलाई एक इनिङ्स र १ सय ३ रनले पराजित गरेको छ । यससँगै इंग्ल्यान्डले तीन टेस्टको सिरिजमा १–० को अग्रता लिएको छ । साढे दुई दिनको खेल बाँकी छँदै पाहुना टिमले बिर्सनलायक हार बेहोरेको हो ।

पाकिस्तान आफ्नो दोस्रो इनिङ्समा १ सय ३५ रनमै अलआउट भएपछि इंग्ल्यान्ड सजिलै विजयी रह्यो । ओली रबिन्सन, जोफ्रा आर्चर र जस टङ्गले तीन तीन विकेट लिए र पाकिस्तान ३७.३ ओभरमा अलआउट भयो ।

मोहमद रिजवानले ३९ बलमा बनाएको ४१ रन बनाए र यो नै सबैभन्दा ठूलो व्यक्तिगत स्कोर रह्यो । पाकिस्तानले आफ्नो पहिलो इनिङ्समा १ सय ७१ रन बनाएको थियो । त्यसको जवाफमा इंग्ल्यान्डले ४ सय ९ रनको स्कोर खडा गरेको थियो ।