एनएसएलका लागि ड्रोग्बा नेपाल आउने

नेपाल सुपर लिग (एनएसएल) को दोस्रो संस्करणका लागि चर्चित फुटबलर डिडियर ड्रोग्बा नेपाल आउने भएको छ । ड्रोग्बा नेपाल आउने कुरा बिहीबार एनएसएलले जानकारी गराएको छ । एनएसएलले आफ्नो आधिकारिक पेजमा ड्रोग्बाको पठाएको भिडियो सन्देश पोष्ट गर्दै यस कुराको जानकारी गराएको हो ।

डिडियर ड्रोग्बा फाउण्डेशन मार्फत सामाजिक कार्यमा सक्रिय यी पूर्व चेल्सी स्टारले हालै नेपालमा गएको भूकम्पपिडितहरुका लागि २० लाख बराबरको सहयोग गर्ने बताअका छन् ।

एनएसएलका अनुसार ४५ वर्षिय ड्रोग्बा दोस्रो नेपाल सुपर लिगको उद्घाटन कार्यक्रममा विशेष अतिथीका रुपमा उपस्थिति जनाउने बताइएको छ ।  सुपर लिगको दोस्रो संस्करण यही आउँदो मंसिर ८ गतेदेखि शुरु हुँदैछ ।