बुन्डेसलिगा: डर्टमुन्ड शीर्षमा कायम, लेभरकुसेन र लाइपजिगको ठूलो जित

बुन्डेसलिगाको ११औँ राउन्डमा बोरुसिया डर्टमुन्डले बोरुसिया मोन्शेनग्लाडबाखलाई १–० ले हराउँदै २४ अंकसहित तालिकाको शीर्ष स्थान जोगाएको छ। यो सिजनमा डर्टमुन्ड अहिलेसम्म अपराजित छ।
बायर्न म्युनिखले शुक्रबार राति कोलोनविरुद्ध १–१ को बराबरी खेल्यो। उसका २२ अंक छन् र उ दोस्रो स्थानमा छ। फ्राइबर्गले एल्भर्सबर्गलाई १–० ले हराउँदै २२ अंकसहित तेस्रो स्थान लिएको छ।

आरबी लाइपजिगले युनियन बर्लिनलाई ५–१ को ठूलो अन्तरले हरायो भने बायर लेभरकुसेनले पाडरबोर्नलाई ४–० ले पराजित गर्यो। आइन्ट्राख्ट फ्रान्कफर्टले होफेनहाइमलाई १–० ले हरायो, जबकि शाल्के र स्टुटगार्टबीचको खेल ०–० मा सकियो।
मोन्शेनग्लाडबाख केवल ४ अंकसहित तालिकाको अन्तिम स्थानमा छ। उसले १० खेलमा एउटा मात्र जित निकालेको छ।
आज राति अग्सबर्ग र माइन्ज तथा वेर्डर ब्रेमेन र ह्याम्बर्गर एसभी भिड्दैछन्। अर्को सातान्त ह्याम्बर्ग र बायर्नबीचको खेलमा सबैको ध्यान रहनेछ।
| # | टिम | P | W | Pts |
|---|---|---|---|---|
| 1 |
Nepal Women |
3 | 2 | 6 |
| 2 |
Uzbekistan Women |
1 | 1 | 3 |
| 3 | 1 | 0 | 0 | |
| 4 |
Sri Lanka Women |
1 | 0 | 0 |