वुमन्स प्रिमियर लिगको उपाधि मुम्बईलाई

काठमाडौ- पहिलो संस्करणको वुमन्स प्रिमियर लिग (डब्लुपीएल) टी–२० क्रिकेटको उपाधि मुम्बई इन्डियन्सले जितेको छ ।

आइतबार मुम्बईस्थित ब्राबोन स्टेडियममा भएको फाइनलमा मुम्बईले दिल्ली क्यापिटल्सलाई ७ विकेटले पराजित गर्दै उपाधि जितेको हो।

दिल्लीले दिएको १३२ रनको लक्ष्य मुम्बईले ३ बल बाँकी छदा ३ विकेटको क्षतिमा पूरा गर्‍यो। 

त्यसअघि टस जितेर पहिले ब्याटिङ गरेको दिल्लीले पूरा ओभर खेल्दै ९ विकेटको क्षतिमा १३१ रन बनाएको थियो।

 भारतीय क्रिकेट कन्ट्रोल बोर्डले आयोजना गरेको यस प्रतियोगिताको उपाधिसँगै मुम्बईले ६ करोड भारु र उपविजेता दिल्लीले ३ करोड भारु पुरस्कार पाएका छन्।