क्रोएसिया हारेपछि पानामाको चुनौती समाप्त

क्रोएसियाले विश्वकप २०२६ मा बुधबार पानामामाथि १–० को जित दर्ता गरेको छ । यो जितले क्रोएसियाको नकआउट चरण पुग्ने सम्भावना कायम रह्यो । तर पानामा भने प्रतियोगिताबाट बाहिरिने अर्को टिम भएको छ ।

बलियो चुनौती पेस गरेको भएता पनि लगातार दोस्रो खेल गुमाएपछि पानामाको चुनौती समाप्त भएको हो । समूह एल मा इंग्ल्यान्ड र घाना चार चार अंकमा शीर्ष दुई स्थानमा छन् । त्यसपछि क्रोएसियाको तीन अंक छ । पानामा भने शून्य अंकमै रह्यो ।

टोरन्टो स्टेडियममा भएको खेलमा एक मात्र गोल एन्टे बुडिमिरको नाममा रह्यो । उनले खेलको ५४ औं मिनेटमा जोसिफ स्टानिसिचले निकालेको लो क्रसलाई सजिलै गोलमा परिणत गरे ।

समूहको अबको खेलमा पानामाले इंग्ल्यान्ड र क्रोएसियाले घानाको सामना गर्नेछ ।