काठमाडौं । हिमालयन चेस एकेडेमीको अयोजना प्याट्रिओटिक पन चेस च्याम्पियनसिप सम्पन्न भएको छ। संविधान दिवसको उपलक्ष्यमा आयोजित प्रतियोगितामा ४९ खेलाडी सहभागी भएका थिए। प्रतियोगिता यू–७, यू–९ यू–११ र यू–१३ विभिन्न उमेर समूहहरूमा आयोजना गरिएको थियो। यु–७ महिलातर्फ रुब्रेश्री चौलागाईं प्रथम भइन् भने आहाना शाह दोस्रो र तेस्रो स्थानमा शुभानी पण्डित भएकी छन्। गर्ल्स यू–९ मा अग्रता आचार्य ५ अंकसहित प्रथमे, अमिषा कोइराला ४ अङ्कका साथ दोस्रो तथा प्रियंशा प्रधान ३ अंकसहित शीर्ष तीनमा रहिन्। गल्र्स यू–११ विधामा निहाना श्रेष्ठ २ अंकसहित प्रथम, नयुमा मगर दोस्रो र डोमा तामाङ तेस्रो भए। यु–१३ गल्र्स डिभिजनमा एन्जल महर्जनले उपाधि जितिन् भने क्रिष्टि रिजाल उपविजेता भइन्। ब्वाइजको यू–७ समूहमा रातो बंगला स्कुलका शुभाङ्ग प्रधान र साङ्ग्रिला पब्लिक स्कुलका सयश बस्नेत दुवैले साढे चार अंक जोडे। तर, टाइब्रेकर नियमका कारण शुभांग विजयी भए। अवन महर्जन ३ अंकसहित तेस्रो भए। ब्वाइज यू–९ तर्फ प्रकृति बाटिका स्कुलका शौमिल चित्रकारले ४ अंकका साथ अग्रता बनाएका थिए भने एल्विक अधिकारीले पनि ४ अंक बनाए पनि टाइब्रेकको आधारमा दोस्रो स्थानमा रहे। उत्कर्ष गिरी साढे ३ अंकका साथ तेस्रो भए। प्रसित खनालले केटाको यू–११ मा उत्कृष्ट प्रदर्शन गर्दै ५ अंकका साथ उत्कृष्ट प्रदर्शन गरे। सात्विकमान तुलाधर ४ अंकका साथ दोस्रो स्थानमा रहे भने लियोन महर्जनले पनि ४ अंक जोडेर तेस्रो स्थानमा रहे। ब्वाइज यू–१३ मा उपाधि प्रविर केसीले जितेका छन्। निश्चल रिमाल र तपस तामाङ दुवैले साढे तीन अंक जोडे भने निश्चलले टाइब्रेकबाट दोस्रो स्थान हासिल गरे। प्रत्येक विधाका उत्कृष्ट तीन विजेतालाई प्रमुख अतिथि अल एन्जलस नेपालकी अध्यक्ष अमिषा श्रेष्ठ र हिमालयन चेस एकेडेमीकी संस्थापक मोनालिशा खाम्बुले मेडल, इ–प्रमाणपत्र र ट्रफी प्रदान गरेका थिए।

प्याट्रिओटिक पन चेस च्याम्पियनसिप सम्पन्न

काठमाडौं । भक्तपुर जिल्ला क्रिकेट संघको वार्षिक साधारण सभा सम्पन्न भएको छ। डा.मनिष राज पाण्डेको अध्यक्षतामा बिहीवार एक समारोहकाबीच सम्पन्न भएको हो। साधारण सभामा संघका सचिव संजय बस्नेतले वार्षिक प्रगति विवरण र कोषाध्यक्ष कवि खागीले वार्षिक आर्थिक प्रतिवेदन सभामा पेश गरेका थिए। साधारण सभाले कार्य समितिबाट प्रस्तुत भएको आर्थिक बर्ष २०८०/०८१ को वार्षिक प्रगति विवरण, वार्षिक आर्थिक प्रतिवेदन, वार्षिक लेखा परीक्षण प्रतिवेदन पारित गरेको छ। सभाले आर्थिक बर्ष २०८१/०८२ को वार्षिक लेखा परीक्षणका लागि लेखा परीक्षकको नियुक्ति तथा निजको पारिश्रमिक निर्धारण गर्ने निर्णय गरेको छ। आर्थिक बर्ष २०८१/०८२ को वार्षिक कार्यक्रम, कार्य योजना र बजेट पारित समेत पारित गर्यो। चालु आर्थिक बर्ष २०८१/०८२ मा एनसीसीएस आमन्त्रित उपत्यकाव्यापी टी–२० क्रिकेट प्रतियोगितालाई निरन्तरता दिईने साधारण सभाले निर्णय गरेको छ।

भक्तपुर जिल्ला क्रिकेट संघको वार्षिक साधारण सभा सम्पन्न

काठमाडौं । वालिङ नगरपालिकाले एन्फा महिला लिगमा बागमती युवा क्लबमाथि सहज जित हासिल गरेको छ। सातदोबाटोस्थित एन्फा कम्प्लेक्समा बिहिवार भएको खेलमा&nbsp;वालिङले बागमतीलाई ४–० गोलले पराजित गरेको&nbsp;हो। वालिङको जितमा सिसी एनटोङ्गो र ज्याकलिन नसालीले समान दुई गोल गरे।&nbsp; यो जितसँगै ६ खेलमा १२ अंक जोडेको वालिङ चौथो स्थानमा उक्लिएको छ। पराजित बागमती समान खेलबाट चार अंकका साथ आठौं स्थानमा छ।

बागमतीमाथि वालिङको सहज जित

काठमाडौं। रसियाकी जुभियागिनसिभाले गण्डकी थण्डर्सबाट वात्साल्य एभरेष्ट वुमन्स भलिबल लिग खेल्ने भएकी छन्। गण्डकीले आफ्नो तेस्रो विदेशी खेलाडीको रुपमा एकातोरिनालाई अनुबन्ध गरेको हो। एकातोरिना रसियाको घरेलु लिगमा परिचित अनुहार हुन्। उनले रसिया तथा मंगोलियामा हुने घरेलु प्रतियोगिताहरु खेलेकी छन्। एकातोरिनाले नेपालमा भलिबल खेल्न आउन पाउनु आफ्नो लागि खुसिको कुरा भएको बताएकी छन्। उनले भनिन्, ‘नेपाल जस्तो सुन्दर देशमा भलिबल खेल्न आउन पाउँदा मलाई खुसि लागेको छ। छिटै कोर्टमा भेट हुनेछ।’ एकातोरिनाले दुई सिजन सन् २०१७ र २०१८ मा यु–२० रसियन लिग खेलेकी छन्। त्यस्तै उनले सन् २०२३–२४ मा मंगोलियन प्रिमियर लिग खेलेकी छन्। गण्डकीले यसअघि भारतकी शिल्पा सिन्धु र रसियाकी एलिसा रुबियकलाई अनुबन्ध गरेको थियो। गण्डकीले अझै एक खेलाडी अनुबन्ध गर्ने लक्ष्य बनाएको छ। आफ्नो तेस्रो विदेशी खेलाडी अनुबन्ध गरेपछि टिमका प्रवन्धक विकास खेतानले तीन जना विदेशी खेलाडी टिममा रहँदा गण्डकी बलियो भएको बताए।

रसियाकी एकातोरिनाले गण्डकीबाट एभरेष्ट भलिबल खेल्ने

<span style="color: rgb(8, 8, 9); font-family: &quot;Placeholder Font&quot;, &quot;Segoe UI Historic&quot;, &quot;Segoe UI&quot;, Helvetica, Arial, sans-serif; font-size: 15px; white-space-collapse: preserve; background-color: rgb(240, 240, 240);">काठमाडौं। स्वस्तिश्री गुरुकुल स्कुलले टुसाल मल्टि भेन्युद्वारा आयोजित तेस्रो संस्करणको विद्यालय स्तरिय पौडी प्रतियोगितामा उत्कृष्ट प्रर्दशन गरेको छ।

तार्केश्वर नगरपालिका ८ स्थित टुसाल मल्टिभेन्युको स्विमिङपुलमा बुधबार सम्पन्न प्रतियोगितामा स्वस्तिश्री गुरुकुल स्कुलले सिनियर ब्वाइज, जुनियर गर्ल्स र जुनियर ब्वाईजमा स्वर्ण र सिनियर ब्वाईजमा थप एक कास्य सहित उत्कृष्ट प्रर्दशन गर्न सफल भएको हो। 

२५ मिटर फ्रि स्टायलमा खेलाईएको उक्त प्रतियोगितामा सिनियर ब्वाईज तर्फ स्वस्तिश्री गुरुकुलका आलज रञ्जितले निर्धारित दुरी १५.०६ सेकेण्डमा पुरा गर्दै स्वर्ण पदक जित्न सफल भए। सोही विधामा ओमेगा ईन्टरनेशनलका एरिक कर्माचार्य दोस्रो र स्वस्तिश्रीका कृत्ज्ञ कोजु तेस्रो भए। 

सोही विधाको गर्लस तर्फ राजश्री गुरुकुलकी दिव्यानी श्रेष्ठ स्वर्ण पदक चुम्न सफल भईन्। उनले निर्धारित दुरी १८.०६ सेकेण्डमा पुरा गर्दै पहिलो भईन्। उक्त विधामा संस्कृत ईन्टरनेशनलकी प्रिन्सा कार्की दोस्रो र सेन्ट मेरिजकी युत्सा श्रेष्ठले तेस्रो स्थानमा चित्त बुझाउनु पर्यो । 

प्रतियोगिताको जुनियर ब्वाईजमा पनि स्वस्तीश्री गुरुकुलका आर्थव महर्जन १६.३९ सेकेण्डमा निर्धारित दुरी पारगर्दै स्वर्ण पदक जित्न सफल भए। जुनियर ब्वाईजमा समृर्द्धी स्कुलका दिव्यांशु प्रजापती दोस्रो र पिनाकल स्कोलर्स स्कुलका रियाज अधिकारी तेस्रो भए। 
यता जुनियर गर्लसमा पनि स्वस्तीश्री गुरुकुलकी एजला रन्जित स्वर्ण पदक जित्न सफल भईन् । उनले निर्धारित दुरी १७.०५ सेकेण्डमा पुरा गरिन्। उक्त स्पर्धामा सेन्ट मेरिजकी श्रेयशी श्रेष्ठ दोस्रो र मल्पी सिटिकी साध्वी थापा तेस्रो भईन्। 
प्रतियोगितका विजेता खेलाडीहरुलाई टुसाल मल्टिभेन्यू प्रालीका एमडी दिपेन्द्र थापाले मेडल ट्रफी र सम्मान पत्र दिएर पुरस्कृत गरे ।
एक दिने प्रतियोगितामा ४० विद्यालयका ६३ ब्वाईज र २८ गर्ल्स गरी जम्मा ९१ जनाले प्रतिस्पर्धा गरेका थिए । 

कार्यक्रममा टुसाल मल्टि भेन्यूका अध्यक्ष विजय सापकोटा, प्रमुख अतिथि तारकेश्वर नगरपालिकाका नगर प्रमुख कृष्णहरी महर्जन, विशिष्ठ अतिथि नेपाल पौडी संघका अध्यक्ष जगतमान श्रेष्ठको उपस्थिति रहेको थियो। 
त्यस्तै, विशेष अतिथिहरूमा तारकेश्वर नगरपालिका–८ वडाध्यक्ष श्यामकृष्ण सापकोटा र वर्ल्ड अक्वाटिक टेक्निकल अफिसियल विष्णु खड्काको उपस्थिति रहेको थियो।

तेस्रो संस्करणको टुसाल विद्यालयस्तरीय पौडी प्रतियोगिता सम्पन्न

काठमाडौं । दोस्रो प्रयागराज सिंह सुवाल स्मृति अन्तर वडा फुटसल प्रतियोगितामा र वडा नं १२, वडा नं ५, वडा नं २६ र वडा नं ३२ ले जित हासिल गरेका छन्। लैनचौर फुटसल मैदानमा बिहिबार भएको पहिलो खेलमा वडा १२ ले वडा २ लाई २–१ ले हरायो। विजयी टिमका लागि दिकेश शाही र मनोज महर्जनले गोल गरे। वडा २ का सुजल रसकले गरेको गोल सान्त्वना मात्र बन्यो। सो खेलमा वडा १२ का राज शाही म्यान अफ दि म्याच घोषित भए। दोस्रो खेलमा वडा ५ ले वडा १७ लाई ३–० ले सजिलै पराजित गर्यो। राकेश श्रेष्ठ, अखिलेश कार्की र सुजित प्रजापतिको गोलले वडा ५ विजयी भएको हो। सो खेलमा सुजित म्यान अफ दि म्याच भए। तेस्रो खेलमा वडा २६ ले टाइब्रेकरमा वडा ४ लाई २–१ ले हरायो। निर्धारीत समयको खेल १–१ ले बारबरमिा सकिएपछि पेनाल्टी सुटआउटमा जितहारको निर्णय गरिएको हो। निर्धारीत समयमा वडा ४ का असिम गुरुङ र वडा २६ का प्रशान्त रजकले गोल गरेका थियो। प्रशान्त म्यान अफ दि म्याच पनि चुनिए। चौथो खेलमा प्रताप शाक्यको गोल निर्णायक बनेपछि वडा ३२ ले वडा १८ लाई १–० ले निराश बनायो। प्रतापले नै म्यान अफ दि म्याचको पुरस्कार पाए।

वडा २६ टाइब्रेकरमा विजयी

काठमाडौं । मेजर लिग सकर (एमएलएस) मा &nbsp;लियोनल मेस्सी आबद्ध क्लब इन्टर मियामी बराबरीमा रोकिएको छ। बिहिवार बिहान सम्पन्न खेलमा मियामी एटलान्टा युनाइटेडसँग २–२ गोलको बराबरीमा रोकिएको हो।&nbsp; पाहुना टोली मियामीले खेलमा सुरुआती अग्रता बनाएको थियो। खेलको २९औँ मिनेटमा डेभिड रुइजले गोल गर्दै मियामीका लागि सुरुआती अग्रता दिलाएका थिए।&nbsp; ५६औँ मिनेटमा घरेलु टोलीका लागि साबा लोझ्निडेजले गोल गर्दै खेल १–१ बराबरी अवस्थामा ल्याए। ५९औँ मिनेटमा लियोनार्दो काम्पानाले गोल गर्दै पुन मिलानलाई २–१ को अग्रता दिलाए।&nbsp; ८४औँ मिनेटमा एलेक्सरी मिरानचुकले गोल गरेपछि खेल २–२ को अवस्थामा आयो। त्यसपछि बाँकी समय थप गोल नहुँदा दुबै टोलीले एक एक अंक बाँडे।&nbsp; यस खेलमा कप्तान लियोनल मेस्सी ६१औँ मिनेटमा मैदान प्रवेश गरेका थिए।

युनाइटेडसँग रोकियो मेस्सी आवद्ध मियामी

काठमाडौं, असोज ३ गते । दशरथ रंगशालाको फुटबल मैदानलाई अन्तर्राष्ट्रिय स्तरको बनाउने सम्बन्धमा राष्ट्रिय खेलकुद परिषद् (राखेप) ले माग गरेको अनुमानित लागत, समयावधी सहितको कार्ययोजना अखिल नेपाल फुटबल संघ (एन्फा) ले अझै पेश गरेको &nbsp;छैन्। साउन अन्तिममा राखेपका सदस्य–सचिव टंकलाल घिसिङ र एन्फाका पदाधिकारीबीच भएको छलफलमा १५ दिन भित्र एन्फाले परामर्शदाताको सुझाव अनुसार कार्ययोजना पेश गर्ने सहमती भएको थियो । सहमती अनुसार एन्फाले पन्ध्र दिन भित्र अन्तर्राष्ट्रिय प्रविधिको प्रयोग गरि फुटबल मैदानलाई स्तरोन्नती गर्न कार्ययोजना पेश गर्नु पर्ने थियो ।&nbsp; छलफल भएको एक महिना विति सक्दा पनि कार्य योजना पेश नगरेको भन्दै राखेपले फेरी ध्यानाकर्षण गराउन पत्राचार गरेको छ । सात दिन भित्र लागत, आवश्यक पर्ने समयावधीसहितको कार्ययोजना पेश गर्न पुन पत्राचार गरिएको राखेपअन्तर्गत संघ संस्था समन्वय शाखाका प्रमुख चन्द्रकुमार राईले जानकारी दिएका छन् ।

एन्फाले अझै पेश गरेन कार्ययोजना

एभरेष्ट महिला भलिबल लिग (इडब्लूभिएल)को टोली ललितपुर क्विन्सले असोज ५ गते ट्यालेन्ट हन्ट गर्ने भएको छ । जावलाखेल स्थित जावलाखेल भलिबल तालिम केन्द्रमा अपरान्ह&nbsp;१२ बजे&nbsp;देखि ट्यालेन्ट हन्ट सुरु हुने छ ।&nbsp;क्लबका मुख्य प्रशिक्षक उत्सव खड्का लगायत व्यवस्थापकीय टोलीले उक्त कार्यक्रम बाट एक जना उत्कृष्ट खेलाडी छनोट गर्ने छ । छनोट हुने खेलाडीले आगामी असोज १४ गते देखि १९ गते सम्म काठमाडौँ स्थित दशरथ रङ्गशालाको कभर्ड हलमा हुने पहिलो संस्करणको एभरेष्ट महिला भलिबल लिगमा ललितपुर क्विन्सको प्रतिनिधित्व गर्ने अवसर प्राप्त गर्नेछ। कुनै पनि राष्ट्रिय तथा अन्तराष्ट्रिय प्रतियोगितामा सहभागिता नजनाएको खेलाडी मात्रै ट्यालेन्ट हन्टमा सहभागी हुनु योग्य हुने छ ।इडब्लूभिएलको&nbsp;नियमावली अनुसार सहभागी&nbsp;टोलीमा १२ खेलाडी समावेश हुने छ । जसमध्ये ८ जना आयोजकले ड्राफ्ट मार्फत हरेक टोलीलाई उपलब्ध गराएको&nbsp;छ भने ३ विदेशी र १ ट्यालेन्ट हन्ट मार्फत छनोट गर्नु पर्ने छ

ललितपुर क्विन्सले शनिवार ट्यालेन्ट हन्ट गर्ने

काठमाडौं । पेरिस सेन्ट जर्मेन (पिएसजी)ले युईएफए च्याम्पियन्स लिगमा जिरोनालाई पराजित गरेको छ।&nbsp; बुधबार राति भएको खेलमा जिरोनाबाट अन्तिम मिनेटमा आत्माघाति गोल हुँदा पिएसजीले महत्वपूर्ण तीन अंक जोड्यो। बराबरीतर्फ उन्मुख खेलमा ९०औं मिनेटमा गोल भएको हो। पौलो गाजानिगाले आफ्नै पोष्टमा गोल गरेका हुन्। च्याम्पियन्स लिगमा डेब्यु गरेको जिरोना ला लिगा सिजन २०२३–०२४ मा सानदार प्रदर्शन पछि च्याम्पियन्स लिगको लागि छनोट भएको हो।

जिरोनामाथि पिएसजीको जित

काठमाडौं । इंग्लिस क्लब म्यानचेष्टर सिटी युइएफए च्याम्पियन्स लिगको पहिलो खेलमै इन्टर मिलानसँग बराबरीमा रोकिएको छ। घरेलु मैदान इत्तिहादमा बुधबार राति भएको खेलमा सिटी गोलरहित बराबरीमा रोकिएको हो।&nbsp; यो नजितासँगै सिटी पाँच वर्षपछि घरेलु मैदानमा इन्टर मिलानसँग गोलरहित बराबरीमा रोकिन बाध्य भयो। पहिलो खेलमै बराबरी खेलेपछि सिटी ३६ टोली सहभागी लिगको १४औं स्थानमा छ। इन्टरका गोलकिपर यान समरले आधा दर्जन भन्दा बढी प्रहार रोक्दै इन्टरको संकट टारेका थिए।

म्यानचेष्टर सिटी बराबरीमा रोकियो

काठमाडौं । युवा अलराउन्ड गुलसन झाको उच्च प्रदर्शनको बाबजुत नेपाल आइसिसी विश्वकप लिग–२ त्रिकोणात्मक सिरिजमा ओमानसँग पराजित भएको छ।&nbsp; क्यानडाको किङ्ग सिटीमा बिहीवार बिहान सम्पन्न खेलमा नेपाल ओमानसँग १ विकेटले पराजित भएको हो।&nbsp; नेपालले दिएको २२१ रनको लक्ष्य ओमानले ४९.५ ओभरमा ९ विकेट गुमाएर पूरा गर्यो।&nbsp; ओमानका लागि ओपनर जतिन्दर सिंहले ४९ बलमा सर्वाधिक ४१ रन बनाएका थिए।&nbsp; ओमानका अर्का ओपनर कश्यप प्रजापतीले ५२ बलमा ३६ रन जोडे। &nbsp; कप्तान अकिब इल्यमसलाई ओमानले तेस्रो विकेटका रुपमा गुमाएको थियो। इल्यास ३३ बलमा २९ रन बनाउदै आउट भएका हुन्। प्रतिक अथाभाले र सोयब खानले समान २६ तथा खलिद कैलले १७ रन जोडे।&nbsp; नेपालका लागि गुलसन झाले १० ओभरमा ४७ रन खर्चिएर ५ विकेट लिए। करण केसीले २ तथा आरिफ शेख र सन्दीप लामिछानेले समान १ विकेट लिए। त्यसअघि टस हारेर पहिले ब्याटिङको निम्तो पाएको नेपालले रोहित पौडेल र गुलसन झाको अर्धशतकमा ५० ओभरमा ९ विकेट गुमाएर २२० रन बनाएको थियो। नेपालका लागि कप्तान रोहितले ७२ बलमा २ चौका र ४ छक्काको सहयोगमा ६० रन जोडे। झाले ३५ बलमा ३ चौका र ५ छक्काको सहयोगमा ५३ रन बनाएका थिए। ३१ बनाउदा ३ विकेट गुमाएर संकटमा परेको नेपालका लागि कप्तान रोहित र आरिफ शेख मिलेर चौथो विकेटका लागि ८३ रनको महत्वपुर्ण साझेदारी गरे। आरिफले ८८ बलमा ३५ रन बनाउँदै आउट भए। सोमपाल कामी ८ बलमा २० रनमा आउट हुँदा सन्दीप लामिछाने ११ रनमा नट आउट रहे।&nbsp; ओमानका लागि फैयज बट, अकिब इल्यास र कलिमुल्लाहले समान २ तथा सोयब खान र सकिल अहमदले समान १ विकेट लिए।&nbsp; जितसँगै ओमान ५ खेलमा ५ अंकका साथ छटौं स्थानमा छ। पराजित नेपालको ६ खेलमा २ अंकका साथ सातौं स्थानमा छ। जारी त्रिकोणात्मक सिरिजमा नेपाल र ओमानको साथै क्यानडाको पनि सहभागिता छ।&nbsp; यसअघि गत मंगलवार भएको पहिलो खेलमा पनि नेपाल घरेलु टोली क्यानडासँग पराजित भएको थियो। नेपाल क्यानडासँग १०३ रनको फराकिलो अन्तरले पराजित भएको थियो।

गुलसनको अलराउन्ड प्रदर्शनका बाबजुत नेपाल ओमानसँग पराजित

दोस्रो प्रयागराज सिंह सुवाल स्मृति अन्तर वडा फुटसल प्रतियोगितामा उपाधि रक्षा अभियानमा रहेको वडा नं १४ ले बुधबार विजयी सुरुआत गरेको छ । सोही दिन भएको अन्य खेलमा वडा नं ३, वडा नं २० र वडा नं १० ले पनि आआफ्नो खेलमा जित हात पारेर प्रिक्वाटरफाइनलमा स्थान बनाउन सफल भए ।
लैनचौर फुटसल मैदानमा वडा १४ ले वडा १५ लाई १–० ले हरायो । सो खेलमा रुपक हमालको गोल निर्णायक बनेको हो । रुपकनै म्यान अफ दि म्याच घोषित हुनुभयो । यसैगरी वडा ३ ले वडा ३0 लाई ७–० को फराकिलो अन्तरले हरायो । विजयी टिमका सुजन महर्जनले चार, प्रज्वल भट्टले दुई तथा अनुराग श्रेष्ठले एक गोल गर्नुभयो । ह्याट्रिकसहित चार गोल गर्ने सुजन म्यान अफ दि म्याच बन्नुभयो ।
वडा २० ले वडा २९ लाई २–० ले पराजित गर्यो । वडा २० का लागि दुवै गोल युनिक मान डङ्गोलले गर्नुभयो । युनिकनै उत्कृष्ट खेलाडी चुनिनुभयो । बुधबारको अन्तिम खेलमा इम्रोज श्रेष्ठको गोलको सहयागमा वडा नं १० ले लडा नं २ लाई १–० ले निराश बनायो । सो खेलमा इम्रोजले उत्कृष्ट खेलाडीको पुरस्कार पाउनुभयो ।

गत विजेता वडा १४ को विजयी सुरुआत

काठमाडौं । आगामी असोजको तेस्रो साता काठमाडौंमा आयोजना हुने महिला तथा पुरुष एसिया रग्बी सेभेन्स ट्रफीमा १७ राष्ट्रले प्रतिस्पर्धा गर्ने भएको छ। एसिया रग्बीको आयोजना तथा नेपाल रग्बी संघको व्यवस्थापनमा असोज १८ र १९ गते नेपालमा एसिया रग्बीको ठूलो प्रतियोगिता हुन लागेको हो। यसअघि नेपाल रग्बी संघले यसअघि सन् २०२२ मा एसिया रग्बी यु–१८ सेभेन्स र सन् २०२३ मा एसिया रग्बी यु–२० सेभेन्सको आयोजना गरिसकेको छ। नेपाल रग्बी संघले त्रिपुरेश्वरस्थित नेपाल खेलकुद पत्रकार मञ्चमा पत्रकार पत्रकार सम्मेलन गर्दै एसिया रग्बी सेभेन्स ट्रफीको बारेमा जानकारी दिएको हो। यसपल्ट एसिया रग्बी सेभेन्स ट्रफीका खेलहरू त्रिपुरेश्वरस्थित दशरथ रंगशालामा हुनेछन्। ट्रफीमा पुरुषतर्फ १४ र महिलामा आठ राष्ट्रले प्रतिस्पर्धा गर्दैछन्। यसअघि १८ देशले नेपालमा हुने एसियाली रग्बीको आयोजनामा चुनौती प्रस्तुत गर्ने पक्का भए पनि अन्तिम समयमा भिसा प्राप्त गर्न नसक्दा इरान सहभागी नहुने भएको छ। यद्यपि, ट्रफीमा विभिन्न देशका गरी कुल ४५० भन्दा धेरै खेलाडी तथा अफिसियलले सहभागिता जनाउने संघका अध्यक्ष दीपक देवकोटाले जानकारी दिए। दुवै तर्फत विजेताले ट्रफी र मेडल प्राप्त गर्नेछन्। दोस्रो र तेस्रो स्थान हासिल गर्ने टोलीले पनि पदक पाउनेछन्। रग्बी संघका महासचिव गोविन्दबहादुर घिमिरेले यो प्रतियोगिता ओलम्पिक छनोटको माध्यमसमेत रहेको उल्लेख गरे। साथै उनले एसियन गेम्स खेल्न एसिया रग्बी सेभेन्स खेल्नै पर्ने प्रावधान रहेको बताएका छन्। संघले एसिया रग्बी सेभेन्सको तयारीका लागि न्युजिल्यान्डका अनुभवी प्रशिक्षक मुरे पउल स्टुर्टलाई नियुक्त गरेको थियो। मुरेको प्रशिक्षणमा नेपालका दुवै टोलीले भक्तपुरमा दुई महिना प्रारम्भिक प्रशिक्षण र पोखरामा बन्द प्रशिक्षण गरी पछिल्लो दुई महिनादेखि तयारी गरिरहेको संघका महासचिव घिमिरेले जानकारी दिए। यसै प्रतिस्पर्धाका लागि नेपालका दुवै टोलीतर्फ १६ सदस्यीय खेलाडी घोषणा भैसकेको छ। नेपालले यस प्रतियोगितामा बल च्याम्पियनसिपको उपाधिसँगै एसियाली वरीयतामा पनि सुधार गर्ने लक्ष्य राखेको छ। यसअघि एसिया रग्बीका खेल दशरथ रंगशालामा आयोजना नगर्न प्रधानमन्त्री केपी शर्मा ओलीको निर्देशन भएको चर्चा चलेको थियो। यद्यपि, पत्रकार सम्मेलनमा संघका अध्यक्ष देवकोटाले यसअघि गलत सूचना पुगेको र अहिले नेपाल रग्बी संघसहित खेलाडीसँगको भेटपछि प्रधानमन्त्री सकरात्मक रहेको बताए। उनले विश्वकप फुटबल नै हुने मैदानमा रग्बीको विश्वकपलगायत अन्य प्रतियोगिता हुने गरेको प्रष्ट्याएका छन्। प्रतियोगिताको अनुमानित बजेट करिब २ करोड २० लाख रुपैयाँ रहेको नेपाल रग्बी संघले जानकारी दियो।

दशरथ रंगशालामा एसिया रग्बी हुने

काठमाडौं । कर्णाली प्रदेशले जारी एन्फा महिला लिगमा पहिलो जित हासिल गरेको छ भने विभागीय टोली नेपाल पुलिस क्लब बराबरीमा रोकिएको छ। सातदोबाटोस्थित एन्फा कम्प्लेक्समा बुधबार भएको खेलमा कर्णालीले सुदूरपश्चिम प्रदेशलाई ३–० ले पराजित गरेको हो। कर्णालीको जितमा भूमिका बुढाथोकी, गरिमा राई र वर्षा ओलीले गोल गरिन्। जितसँगै ६ खेलमा चार अंक जोडेको कर्णाली नवौं तथा ६ खेलमा पराजित सुदूरपश्चिम विना अंक पुछारमा छ। खेलको २४औं मिनेटमा भूमिकाको गोलमार्फत कर्णालीले अग्रता लिएको थियो।&nbsp; बुधबारै सम्पन्न पहिलो खेलमा खेलमा विभागीय टोली नेपाल पुलिस क्लब चन्द्रपुर नगरपालिकासँग गोलरहित बराबरीमा रोकियो छ। गोलकिपर उषा नाथले पेनाल्टी बचाउँदा पुलिस चन्द्रपुर नगरपालिकासँग हार जेगिएको हो।&nbsp; ६ खेल सकिँदा पुलिस १२ अंकका साथ तेस्रो र चन्द्रपुर समान खेलबाट सात अंक जोड्दै छैटौं स्थानमा यथावत छन्।

कर्णालीको पहिलो जित,  पुलिस हारबाट जोगियो

काठमाडौं । आगामी असोजको तेस्रो सातामा १२औं एनएसए कप पौडी प्रतियोगिता हुने भएको छ। नेपाल पौडी संघको आयोजनामा आगामी असोज १३ र १४ गते सातदोबाटोस्थित अन्तर्राष्ट्रिय खेलकुद परिसरको आउटडोर पौडी पोखरीमा प्रतियोगिता सञ्चालन हुन लागेको हो। यो प्रतियोगिता २०३८ सालदेखि नियमित (कोभिड महामारीबाहेक) हुँदै आएको छ। बुधबार संघले पत्रकार सम्मेलन आयोजना गर्दै प्रतियोगिताबारे जानकारी दिएको हो। प्रतियोगितामा विभिन्न विद्यालय, पौडी क्लब र प्रदेशबाट कुल तीन सय ५० खेलाडीले प्रतिस्पर्धा गर्ने संघले जानकारी दिएको छ। खुला (महिला÷पुरुष) र विभिन्न उमेरसमूह (महिला÷पुरुष) गरी कुल ७२ वटा स्पर्धामा प्रतिस्पर्धा हुनेछन्। संघले यस प्रतियोगिताबाट नेपाली पौडी खेलाडीको वृत्ति विकासमा महत्वपूर्ण भूमिका निर्वाह गर्नुका साथै अन्तर्राष्ट्रिय प्रतिस्पर्धाअगाडि आफूलाई प्रमाणित गर्ने अवसरसमेत रहेको विश्वास लिएको छ। यस प्रतियोगितामार्फत नयाँ प्रतिभाको प्रस्फुटन, उत्कृष्ट खेलाडीको मनोबल र उमेरसमूहमा पौडी खेलको पहुँचलगायत अपेक्षा गरिएको छ। उत्कृष्ट प्रदर्शनसँगै खेलाडीको नयाँ राष्ट्रिय कीर्तिमान पनि बन्ने आशा संघले लिएको छ। राष्ट्रिय कीर्तिमान कायम गर्ने खेलाडीलाई नयाँ कायम समयका आधारमा पुरस्कृत गरिने भएको छ। एक सेकेन्डभन्दा कम समय भएमा पाँच हजार र एक सेकेन्डदेखि तीन सेकेन्ड समय सुधार गर्ने खेलाडीले १० हजार रुपैयाँ नगद पुरस्कार पाउनेछन्। तीन सेकेन्डभन्दा माथि राष्ट्रिय कीर्तिमान कायम गर्ने खेलाडीले २०,००० हजार नगद पुरस्कार प्रदान गरिने संघले उल्लेख गरेको छ। प्रत्येक उमेरसमूह र खुलामा सहभागी खेलाडीमध्ये उत्कृष्ट महिला र पुरुष खेलाडीले जनही पाँच हजार नगद पुरस्कारको पाउनेछन्। वर्ष उत्कृष्ट एक खेलाडीलाई विशेष पुरुस्कारबाट सम्मानित गरिनेछ। नेपाल पौडी संघले आयोजना गर्ने प्रत्येक प्रतियोगितामा एक जना ओलम्पियनलाई क्रमशः नगदसहित सम्मान गर्ने सुरुआत गरिने भएको छ। यो प्रतियोगिताबाट हंगेरीको बुढापेस्टमा आयोजना हुने वल्र्ड एक्वेटिक्स स्विमिङ च्याम्पियनसिपमा खेल्ने नेपाली खेलाडीको छनोटसमेत गरिने संघका अध्यक्ष जगतमान श्रेष्ठले जानकारी दिए।

१२औं एनएसए कप पौडी प्रतियोगिता हुने

काठमाडौं । एभ्रेष्ट महिला भलिबल लिग(इडब्ल्युभीएल)को टिम चितवन शक्तिले असोज ७ गते चितवनमा ट्यालेन्ट हन्ट गर्ने भएको छ।&nbsp; चितवन शक्तिले चीतवन वडा नम्बर २२ पटहिनी कर्भड हलमा बिहान १० देखि ५ बजेसम्म छनोट कार्यक्रम गर्नेछ। छनोटका लागि चितवन शक्तिका प्रमुख प्रशिक्षक रहेका अर्जुन घिमिरे र चितवन शक्तिकी मार्की प्लेअर तथा राष्ट्रिय महिला भलिबल टिमकी कप्तान अरुणा शाहीले निर्णायकको भूमिका खेल्नेछन्।&nbsp; खेलाडीले चितवन शक्तिले गर्न लागेको छनोट कार्यक्रमका लागि दर्ता गर्न चितवनको स्थानीय बासिन्दा हुनुपर्नेछ। कुनै पनि उमेरको हदबन्दी नभएको महिला खेलाडी हुनु पर्नेछ। खेलाडीले राष्ट्रिय तथा अन्तर्राष्ट्रिय प्रतियोगितामा सहभागी नभएको हुनु पर्नेछ। खेलाडीले असोज १४ देखि १९ सम्म चितवन शक्तिको टिममा रही पहिलो संस्करणको वात्सल्य एभ्रेष्ट महिला भलिबल लिग खेल्ने अवसर प्राप्त गर्नेछ।

चितवन शक्तिले ट्यालेन्ट हन्टबाट खेलाडी ल्याउने

काठमाडौं । काठमाडौं जिल्ला तेक्वान्दो संघले पेरिस २०२४ पारालिम्पिककी ऐतिहासिक कांस्य विजेता तेक्वान्दोकी पलेशा गोवर्धनलाई बुधबार नगदसहित सम्मान गरेको छ । पलेशालाई १ लाख ३८ हजार नगदसहित प्रशंसा पत्रबाट सम्मान गरिएको काठमाडौं जिल्ला तेक्वान्दो संघका सचिव गौरव रजकले जनाएका छन् । प्रशिक्षक कविराज नेगी लामालाई ५८ हजार तथा पेरिस पारालिम्पिकमै सहभागी तेक्वान्दो खेलाडी भरतसिंह महतालाई १० हजार नगदसहित प्रशंसा पत्र प्रदान गरियो । व्यवस्थापक रामचन्द्र श्रेष्ठ प्रशंसा पत्रबाट सम्मानित भए । पलेशाका पिता प्रदिपलाई मायाको चिनो प्रदान गरिएको थियो । बनस्थलीस्थित सिद्धार्थ बनस्थली इन्टिच्युतमा भएको कार्यक्रममा नेपाल च्याम्बर अफ कमर्सका सदस्य एवं च्याम्बरअन्तर्गत शिक्षा तथा खेलकुद उपसमितिका अध्यक्ष रुपकराज बन्सी, काठमाडौं जिल्ला तेक्वान्दो संघका अध्यक्ष विक्रम खड्गीलगायतले एक कार्यक्रमबीच सम्मान गरे ।&nbsp; सोही अवसरमा सिद्धार्थ बनस्थली इन्टिच्युतले पनि पलेशालाई छुट्टै नगदसहित सम्मान गरेको थियो । प्रिन्सिपल बन्सीले पलेशालाई ५० हजार नगदसहित सम्मान गरे । बुधबारै काठमाडौं महानगरपालिका वडा ८ ले पनि पलेशा र प्रशिक्षक लामालाई नगदसहित सम्मान ग¥यो । वडा अध्यक्ष आसामान संगतले दुवैलाई जनही ५१ हजार प्रदान गरी सम्मान गरे।

पलेशालाई काठमाडौं जिल्ला तेक्वान्दोसहित ३ संस्थाको सम्मान

काठमाडौं । आईसीसी विश्वकप क्रिकेट लिग–२ को त्रिकोणत्मक सिरिज अन्तर्गत नेपालले आज ओमानसँग खेल्दैछ।&nbsp; क्यानडाको किङ्ग सीटीमा हुने यो खेल नेपाली समयअनुसार आज राति पौने ९ बजे शुरू हुनेछ। यसअघि नेपाल आइतबार आफ्नो पहिलो खेलमा घरेलु टोली क्यानडासँग १०३ रनले पराजित भएको थियो।&nbsp; क्यानडा नौ खेलमा पाँच जित र चार हारका साथ १० अंकसहित तालिकाको दोस्रो स्थानमा छ। नेपाल पाँच खेलमा एक जीत र चार हारका साथ २ अंकसहित तालिकाको सातौँ स्थानमा छ।&nbsp; ओमान ४ खेलमा १ जीत र २ हारका साथ ३ अङ्कसहित छैटौँ स्थानमा छ। नेदरल्यान्ड्स आठ खेलमा १२ अङ्कका साथ शीर्ष स्थानमा छ। विश्वकप सन् २०२७ को छनोटको रुपमा रहेको लिग–२ मा आठ टोलीको सहभागीता छ। नेपालले तेस्रो खेलमा असोज ६ गते क्यानडासँग र चौथो खेलमा असोज ८ गते ओमानसँग खेल्नेछ।

विश्वकप लिग–२ : नेपाल र ओमान भिड्दै

काठमाडौं । एसी मिलान युइएफए च्याम्पियन्स लिगमा पराजित भएको छ। घरेलु मैदान सान सिएरो रंगशालामा मंगलबार भएको खेलमा लिभरपुलसँग ३–१ ले पराजित भएको हो।&nbsp; पाहुना टोली लिभरपुलको जितमा इब्राहिमा कोनाटे, कप्तान भर्गिल भान डाइक र डोमिनिक स्जोबोस्जलाइले गोल गरे। यता, मिलानका लागि क्रिस्टियन पुलिसिकले गरेको सन्त्वना बन्यो। खेलको तेस्रो मिनेटमै पुलिसिकको गोलमार्फत मिलानले अग्रता लिएको थियो। तर उसले त्यसलाई जोगाउन भने सकेन।

Nepal Sports

MENU

FOOTBALL LEAGUE

FAVORITE CLUB

भक्तपुर जिल्ला क्रिकेट संघको वार्षिक साधारण सभा सम्पन्न

📰 Recent News