एएफएसी च्याम्पियन्स लिग : अल नासरको जितमा रोनाल्डोको गोल

काठमाडौँ । एएफएसी च्याम्पियन्स लिग फुटबल अन्तर्गत अल नासरले लगातार दोस्रो जित हात पारेको छ।

सोमबार राति भएको खेलमा अल नासरले इस्टीक्लोलाई ३-१ ले पराजित गर्दै लागातार दोस्रो जित निकालेको हो।

कप्तान क्रिस्टियानो रोनाल्डोले खेलको ६६औं मिनेटमा गोल गर्दै खेल बराबरी गरेका थिए भने टालिस्काले २ गोल थपेर अल नासरको जित सुनिश्चित गरेका थिए।

एएफसी च्याम्पियन्स लिगको समुह ई मा अल नासरको यो लगातार दोस्रो जित हो।

यो जितपछि अल नासरको २ खेलमा ६ अंक भएको छ र समुहमा शीर्ष स्थानमा रहेको छ। त्यसैगरी इस्टीक्लोको भने २ खेलमा १ अंक रहेको छ।