उज्वेकिस्तानलाई हराएपछि कोलम्बिया अगाडि

कोलम्बियाले विश्वकप २०२६ को आफ्नो पहिलो खेलमा बिहीबार उज्वेकिस्तानमाथि ३–१ को जित दर्ता गरेको छ । यो जितबाट प्राप्त तीन अंकसँगै कोलम्बिया समूह ‘के’ को शीर्ष स्थानमा उक्लेको छ र आफ्नो स्थिति अनुकुल बनाएको छ ।

ड्यानिएल मुनोजले भलिबाट गरेको उत्कृष्ट गोलमा टिकेर कोलम्बियाले ४० औं मिनेटमा अग्रता लिएको थियो । खेलको ६० औं मिनेटमा विश्वकपमा डेब्यु गरिरहेको उज्वेकिस्तानका लागि एबोसबेक फायजुलेभले हेडबाट बराबरी गोल फर्का ।

तर कोलम्बिया ६५ औं मिनेटमा डियाजको गोलमा फेरि अग्रता लिन सफल रह्यो । दोस्रो हाफको इन्ज्युरी समयको नवौं मिनेटमा जमिन्टन काम्पाजले कोलम्बियाको लागि तेस्रो गोल गरे र जित निश्चित गरे । यसअघिको पोर्चुगल र डीआर कंगोबीचको खेल १–१ को बराबरीमा टुंगेको थियो । यी दुवै टिम एक एक अंकमा रहेका छन् ।