कोलम्बियाको सहज जित

काठमाण्डौं। कोलम्बिया कोस्टारिकालाई पराजित गर्दै कोपा अमेरिकाको नकआउट चरणमा प्रवेश गरेको छ। युनिभरसिटी अफ फिनिक्स स्टेडियम, ग्लेनदेल शनिबार बिहान सम्पन्न खेलमा कोस्टारिकालाई ३-० गोलले पराजित गर्दै कोलम्बिया नकआउट चरणमा स्थान बनाएको हो।

कोलम्बियाले खेलको  ३१ औं मिनेटमा लुइस डियासको पेनाल्टी मार्फत गोल गर्दै सुरूवाती अग्रता बनाएको थियो। कोस्टरिकाका किपर र डिफेण्डरले जोन कोर्डोबालाई डि-बक्स भित्र लडाएपछि कोलम्बियाले पेनाल्टी पाएको थियो। त्यस्तै खेलको ५९ औं मिनेटमा कर्नर किकमा डाभिसन सान्चेजले हेड गर्दै अग्रता दोब्बर बनाए। 

खेलको ६२ औं मिनेटमा जोन कोर्डोबाले जेम्स रेड्रिगोजको थ्रु-बलमा किपर संग वान अन वान स्थितिमा दोस्रोबारमा लक्षित प्रहारमा उत्कृष्ट  गोल गर्दै ३-० को नतिजा दिलाए।

कोलम्बिया एक खेल अगावै नकआउट चरणमा प्रवेश गरेको हो। कोलम्बियले समूह चरणको अन्तिम खेल ब्राजिलसँग खेल्ने छ। 

यस जितसंगै कोलम्बिया २ खेलमा २ जित सहित ६ अंक रहेको छ भने कोस्टारिका १ हार १ बराबरी पछि १ अंक सहित पुछारमा रहेको छ।