चर्च ब्वाइजको पहिलो जित

काठमाडौं । चर्च ब्वाइज युनाइटेडले ललित स्मृति एन्फा यु–१८ युथ लिगमा पहिलो जित हासिल गरेको छ। 

सातदोबाटोस्थित एन्फा कम्प्लेक्समा सम्पन्न खेलमा चर्चले थ्री स्टार क्लबलाई १–० गोलले पराजित गरेको हो। 

चर्च ब्वाइजको जितमा अमनबहादुर तामाङले गोल गरे। उनले पहिलो हाफको ४५औं मिनेटमा गोल गरेको गोल नै निर्णयक बन्यो।

जितसँगै चर्च ब्वाइजले दोस्रो खेलमा जित हासिल गर्दै तीन अंक जोडेको छ। यसअघि चर्च ब्वाइज पहिलो खेलमा न्युरो टिम (एनआरटी) सँग २–१ गोलले पराजित भएको थियो। 

यता, पराजित थ्री स्टारले भने लगातार दोस्रो खेलमा पराजय ब्यहोरेको छ। यसअघि थ्री स्टार लिगको पहिलो खेलमा विभागिय टोली नेपाल पुलिस क्लबसँग ७–२ गोल अन्तरले पराजित गरेको थियो।