पहिलो लेगमा चेल्सी विजयी

काठमाडौं । युरोपा कन्फेरेन्स लिग प्लेअफको पहिलो लेगमा लण्डन क्लब चेल्सीले स्विट्जरल्यान्डको सेर्भेटलाई २–० ले पराजित गरेको छ।

स्टामफोर्ड ब्रिजमा गएराति क्रिस्टोफर नकुन्कुले ५०औं मिनेटमा पेनाल्टीमार्फत गोल गर्दै घरेलु टोलीलाई अग्रता दिलाएका थिए।

७६औं मिनेटमा एन्जो फर्नान्डेजको पासमा नोनी माडुकेले गोल गर्दै चेल्सीको जित पक्का गराए। योसँगै अर्को साता हुने दोस्रो लेगअघि चेल्सी समूह चरणनजिक पुगेको छ।