काठमाण्डौंलाई पराजित गर्दै बुटवल लुम्विनी तेस्रो स्थानमा उक्लियो

जारी नेपाल सुपर लिगमा  बुटवल लुम्बिनीले काठमाडौं रेजर्सलाई पराजित गरेकोछ । शनिबार दशरथ रंगशालामा भएको दोस्रो खेलमा बुटवलले साविक विजेता काठमाडौंलाई २–१ ले पराजित गरेको हो ।

बुटवलका लागि स्टेफेन समिर बिनोङ र एरिक विष्ट समान एक एक गोल गरेको थियो भने काठमाडौंका लागि राजिप लोप्चनले एक गोल फर्काए।

खेलको २९ औं मिनेटमा स्टेफन बिनोङको गोल गरेको थियो । दोस्रो हाफको ६१ औं मिनेटमा एरिक विष्टले गोल गर्दै बुटवलाई  २–० अग्रता दिलाए थिए ।  जिलेस्पी जंग कार्कीको क्रसमा एरिकले गोल गरेको थियो।

खेलको इन्जुरी समयमा राजिव लोप्चनले एक गोल फर्काएका थिए। 

यस जित संगै बुटवल लुम्बिनी लिग तालिकाको तेस्रो स्थानमा उक्लिएको छ । काठमाडौं भने ५ अंक सहित तालिकाको पाँचौं स्थानमा झरेको छ ।