यू-१७ विश्वकप फुटबल: ब्राजिलको शानदार जित

 काठमाडौं– इन्डोनेसियामा जारी फिफा यू-१७ विश्वकप फुटबलमा ब्राजिलले शानदार जित दर्ता गराएको छ।

समूह चरणको दोस्रो खेलमा ब्राजिलले न्यू क्यालेडोनिया विरुद्ध ९ गोल गरेको हो। 

ब्राजिलको जितमा काउवा इलियासले ह्याट्रिक गरे।

रायनले २ गोल गर्दा इस्टेभाओ विलियन, हानरी साउसा, भिक्टोर रेइस र जाओ भिक्टर डे सेउवाले एक-एक गोल गरेका थिए।

पहिलो खेलमा इरानसँग ३-२ गोलले पराजित भएको ब्राजिलले दोस्रो खेलमा भने गोलको वर्षा गराएको हो।

जितसँगै ब्राजिल ३ अंक जोडेर समूहको दोस्रो स्थानमा उक्लिएको छ।