विकेश कुथु इलामका मार्की खेलाडी

राष्ट्रिय टोलीका गोलरक्षक विकेश कुथुलाई स्पोर्टिङ इलाम डे मेची एफसीले मार्की खेलाडीको रुपमा अनुबन्ध गरेको छ ।

इलामले विकेशलाई दोस्रो संस्करणको नेपाल सुपर लिग एनएसएलका लागि मार्की बनाएको हो । गत सिजन काठमाण्डौ रेजर्समा रहेका कुथु यस पटक इलामसंग अनुबन्धित भएका हुन् ।

कुथुले पहिलो सिजनमा कप्तानी गरेको टोली काठमाण्डौ च्याम्पियन भएको थियो । काठमाण्डौंले धनगढीलाई पराजित गरेको थियो। उनले २०१२ मा राष्ट्रिय टिममा डेब्यु गरेका थिए । एनएसएलको दोस्रो संस्करण मंसिर ८ गतेदेखि सञ्चालन हुनेछ ।