बेन्जेमाको ह्याट्रिकमा अल हिलालको फराकिलो जित

काठमाडौं। करिम बेन्जेमाले ह्याट्रिक पूरा गरेपछि अल हिलालले अल ओख्दूदलाई फराकिलो अन्तरले पराजित गरेको छ। 

साउदी प्रो लिग अन्तर्गत बिहिबार राति सम्पन्न खेलमा हिलाल ६–० ले विजयी भयो।

अल हिलालका लागि बेन्जेमाले खेलको ३१औं, ६०औं र ६४औं मिनेटमा गोल गर्दै ह्याट्रिक पूरा गरे। त्यसपछि ७०औं मिनेटमा माल्कमले गोल गर्दै अग्रता थपे।

सलिम अल–दवसारीले ७४औं र इन्जुरी समयमा ९३औं मिनेटमा गोल गर्दै टोलीको फराकिलो जित पक्का गरे।

यो जितसँगै अल हिलालले २० खेलबाट लिगमा ५० अंक जोड्दै शीर्ष स्थान थप मजबुत बनाएको छ। पछिल्लो चार खेलमा हिलालको यो पहिलो जित हो।