मुम्बईमाथि बेंगलोरको शानदार जित

काठमाडौ- जारि इन्डियन प्रिमियर लिग (आईपीएल) क्रिकेटमा रोएल च्यालेन्जर्स बेंगलोरले मुम्बई इन्डिजविरुद्ध ८ शानदार जित निकाल्दै विजयी सुरुवात गरेको छ।

घरेलु मैदान एम चिन्नास्वामी स्टेडियममा बेंगलोरले मुम्बईलाई ८ विकेटले पराजित गरेको हो।

बेंगलोरले जितका लागी पाएको १७२ रनको लक्ष्य १६.२ ओभरमा मात्र २ विकेट गुमाएर पूरा गर्‍यो ।

बेंगलोरको जितमा पुर्वकप्तान विराट कोहलीले सर्वाधिक  ८२ रन बनाउदा कप्तान फाप डु प्लेसिसले ७३ रन बनाए।

मुम्बईका लागी अर्शद खान र क्यामरुन ग्रीनले समान १-१ विकेट लिए ।

त्यसअघि टस हारेर पहिले ब्याटिङ गरेको मुम्बईले पुरा ओभर खेल्दै ७ विकेटको क्षतिमा १७१ रन बनाएको थियो ।

उसका लागी तिलकबर्माले सर्वाधिक ८४ रन बनाउदा डनेहाल वाडेराले २१ रन बनाए।

बेंगलोरका लागि कर्ण शर्माले दुई तथा मोहमम्द सिराज, रिस टोप्ले, आकाश दिप, हर्शल पटेल र माइकल ब्रेसवेलले समान १-१ विकेट लिए ।

यो जित संगै बेंगलोरले लिगमा दुईअंक बटुलेको छ।