बार्सिलोना कोपा डेल रे को क्वार्टरफाइनलमा प्रवेश

बार्सिलोना कोपा डेल रे फुटबलको क्वार्टरफाइनलमा प्रवेश गरेको छ । बार्सिलोनाले  युनियनिस्टासलाई ३–१ ले पराजित गर्दै  अन्तिम ८ मा स्थान सुरक्षित गरेको हो । 

खेलको ३१औं मिनेटमा अल्भारो गोमेजले गोल गर्दै घरेलु टोलीलाई खेलमा अग्रता दिलाएका थिए । पहिलो हाफको अन्तिम मिनेटमा फेरान टोरेसले खेल बराबरीमा ल्याएका थिए ।

दोस्रो हाफको ६९ औं मिनेटमा पौ कुबार्सीको पासमा जुल्स कोन्डेले गोल गर्दै २-१ को आग्रता दिलाए।त्यस्तै खेलको ७३औं मिनेटमा एलेजान्द्रो बाल्डेले जुल्स कोन्डेको पासमा गोल गर्दै बार्सिलोनालाई ३–१ को सहज जित दिलाए ।