बार्सिलोनामाथि एटलेटिकोको चार गोल

एटलेटिको म्याड्रिडले डिफेन्डिङ च्याम्पियन बार्सिलोनालाई कोपा डेल रेको पहिलो लेग सेमिफाइनलमा बिहीबार ४–० ले पराजित गरेको छ । एरिक गार्सियाको आत्मघाती गोलले एटलेटिकोले अग्रता लिएको थियो । 

त्यसपछि उसका लागि एन्टोन ग्रिजमन, एडेमोल लुकमन र जुलियन एल्भारेजले गोल गरे । यी सबै गोल पहिलो हाफमै सम्भव भएका हुन् । खेलको अन्त्यतिर बार्सिलोना दस खेलाडीमा सीमित रह्यो । 

गार्सिया रातो कार्ड खाएर मैदान छाड्न बाध्य रहे । अब दोस्रो लेगको सेमिफाइनल बार्सिलोनाको घरमा मार्च ३ मा हुनेछ ।