अस्ट्र्रेलियामाथि बंगलादेशको ऐतिहासिक जित

बंगलादेशले अस्ट्रेलियालाई आइतबार उसकै भुमिमा पहिलो पटक टेस्ट क्रिकेटमा हराएको छ र यो शानदार नौ विकेटको जित रह्यो । जितका लागि ५७ रनको मात्र लक्ष्य पाएको बंगलादेशले १ विकेट गुमाएर त्यसलाई हात पारेको हो ।

टेस्टको चौथो दिन लञ्चपछि अस्ट्रेलिया आफ्नो दोस्रो इनिङ्समा २ सय ९४ रनमा अलआउट भएपछि घरेलु टिम हारको संघारमा पुगेको हो । बंगलादेशली बलर मेहदी हसनले ६६ रनमा पाँच र हसन महसुमले ५६ रनमा तीन विकेट लिएपछि अस्ट्रेलियाले खुलेर खेल्न सकेन् ।

अस्ट्रेलियाका लागि लागि क्यामरुन ग्रिनले १ सय ४ रन बनाए र यो नै एक मात्र ब्याटबाट उल्लेखनीय प्रदर्शन रह्यो । बंगलादेश जितसम्म पुग्दा मोनिनुल हक ३० र सदमन इस्लाम २५ रन बनाए र नटआउट रहे । बंगलादेशले टेस्ट क्रिकेटमा अस्ट्रेलियालाई हराएको यो दोस्रो पल्ट मात्र हो ।