अस्ट्रेलियालाई १ सय १ रनको अग्रता

अस्ट्रेलियाले बंगलादेशविरुद्धको दोस्रो तथा अन्तिम टेस्टको पहिलो दिन शनिबार १ सय १ रनको अग्रता लिएको छ । म्याकेयीमा सुरु भएको टेस्टको पहिलो दिन नाटकीय रह्यो र त्यसैक्रममा दुवै टिमका गरेर १८ विकेट झरेका थिए ।

पहिले ब्याटिङ गरेको बंगलादेश ६४ रन मात्र बनाएर अलआउट भएको थियो । माइकल स्टार्कले १२ रनमा ६ विकेट लिएपछि बंगलादेश धरासायी भएको थियो । प्याट कमिन्सले पनि २५ रनमा ३ विकेट लिए । जवाफमा दिनको खेल टुंगिदा अस्ट्रेलियाले ८ विकेटमा १ सय ६५ रन बनाएको छ ।

घरेलु टिमका लागि क्यामरुन ग्रिन ५१ रन बनाएर खेलिरहेका छन् । यस्तै स्टिभ स्मिथले ४२ रन बनाए । बंगलादेशका लागि सोरिफुल इस्लामले पनि घातक बलिङ गरे र उनले ३५ रनमा ६ विकेट लिइसके । बंगलादेश दुई टेस्टको सिरिजमा १–० ले अगाडि छ ।