नेदरल्यान्ड्समाथि अस्ट्रेलियाको फराकिलो जित

काठमाडौं-आईसीसी विश्वकप क्रिकेटमा अस्ट्रेलियाले नेदरल्यान्ड्समाथि जित दर्ता गरेको छ।

अस्ट्रेलियाले नेदरल्याण्ड्सलाई ३०९ रनको फराकिलो अन्तरले पराजित गरेको हो। 

पहिला ब्याटिङ गरेको अस्ट्रेलियाले ८ विकेट गुमाएर ३९९ रन बनायो।

उसका लागि ओपनर डेभिड वार्नरले १०४ र ग्लेन म्याक्सवेलले १०६ रनको पारि खेले। 

अस्ट्रेलियाका स्टेभन स्मिथले ७१ रन बनाउँदा मार्नस लावुसेनले ६२ रन बनाएका थिए

नेदरल्याण्ड्सका लोगन भान विकले ४ विकेट र बास डी लिड्सले २ विकेट हात पारे। 

४०० रनको लक्ष्य पछ्याएको नेदरल्याण्ड्सले २१ ओभरमा ९० रनमात्रै बनाउन सक्यो।

 उसका लागि बिक्रमजित सिंहले सर्वाधिक २५ रन र तेजा निदमनरुले १४ रन बनाए। 

अस्ट्रेलियाका एडम जाम्पाले सर्वाधिक ४ विकेट लिए। 

मिचेल मार्सले २ विकेट हात पारे।

योजितसँगै अस्ट्रेलियाले पाँच खेलबाट छ अंक बटुल्दै सेमिफाइनलमा स्थान बलियो बनाएको छ।