रियललाई पराजित गर्दै एट्लेटिको मड्रिड कोपा डेल रे को क्वार्टर फाइनलमा प्रवेश

स्पेनिस कोपा डेल रे फुटबलमा एट्लेटिको मड्रिडले रियल मड्रिडलाई पराजित गरेको छ । बिहीबार घरेलु मैदानमा एट्लेटिकोले रियल मड्रिडलाई ४–२ गोल अन्तरले पराजित गर्दै प्रतियोगिताको क्वार्टरफाइनलमा प्रवेश गरेको छ । 

खेलमा अग्रता एट्लेटिकोले सेमुअल लिनोको गोलमा लिएको थियो । पहिलो हाफको इन्जुरी समयमा लुका मड्रिडको फ्रिकिकलाई क्लियर गर्ने क्रममा जान ओब्लाकले आत्मघाति गोल गरेपछि रियलले खेल बराबरी बनाए । 

खेलको ५७ औं मिनेटमा अल्भारो मोराटाले गोल गर्दै एट्लेटिकोलाई २-१ को अग्रता दिलाएको थियो। खेल सकिन ८ मिनेटअघि जुड बेलिङघमको क्रसमा जोसेलुले हेडमार्फत पुन खेल बराबरीमा ल्याएका थिए । 

खेलको अतिरिक्त समयमा एन्टोनियो ग्रिजम्यानले गोल गर्दै एट्लेटिकोलाई ३-२ बनाए । अतिरिक्त समयको अन्तिम मिनेटमा रोड्रिगो रिक्वेल्मेले गोल गर्दै घरेलु टोलीको जित सुनिश्चित गरेका थिए ।