आर्सनल सात अंकले अगाडि

आर्सनलले इंग्लिस प्रिमियर लिगको शीर्षमा सात अंकको अग्रता खोलेको छ । नटिंघम फरेस्टले शनिबारको खेलमा गोलरहित बराबरीमा रोके पनि आर्सनललाई खासै घाटा भएन् ।

यसअघिको खेलमा दोस्रो स्थानमा रहेको म्यानचेस्टर सिटी म्यानचेस्टर युनाइेटडको हातबाट २–० ले पराजित रहेको थियो । यस्तै लिभरपुल पनि बर्नलीको हातबाट १–१ को बराबरीमा चित्त बुझाउन बाध्य रह्यो ।

अब आर्सनलको २२ खेलपछि ५० अंक भएको छ । सिटी ४३ अंकमा दोस्रो तथा लिभरपुल ३६ अंकमा चौथोमा छ । एस्टन भिल्ला भने ४३ अंकमा तेस्रो स्थानमा छ र उसको सामु दोस्रोमा उक्लने अवसर छ ।

शनिबारका अन्य खेलमा चेल्सीले ब्रेन्टफोर्डलाई २–०, लिड्स युनाइटेडले फुलहमलाई १–०, सन्डरल्यान्डले क्रिस्टल प्यालेसलाई २–१ र वेस्ट ह्यामले टोटनहमलाई २–१ ले हरायो ।