अल्भारेज र मार्टिनेजको गोलमा अर्जेन्टिनाको जित

काठमाडौं । अर्जेन्टिनाले कोपा अमेरिकामा विजयी सुरुआत गरेको छ। 

प्रतियोगिताको उद्घाटन खेलमा अर्जेन्टिनाले क्यानडाविरुद्ध २–० को सहज जित निकालेको हो।

अर्जेन्टिनाको जितमा जुलियन अल्भारेज र लाउतारो मार्टिनेजले एक एक गोल गरेका थिए। 

पहिलो हाफमा गोलरहित बराबरी खेलेको अर्जेन्टिनाले दुवै गोल दोस्रो हाफमा गरेको थियो। 

खेलको ४९औँ मिनेटमा अल्भारेजले र मार्टिनेजले खेलको ८८औँ मिनेटमा गोल गरेका थिए।

कोपा अमेरिकाको डिफेन्डिङ च्याम्पियनसमेत रहेको अर्जेन्टिनाले यो जितपछि समुह ए मा महत्वपूर्ण ३ अंक हासिल गरेको छ