ब्राजिलविरुद्ध अर्जेन्टिनाको विजयी

काठमाडौं- फिफा विश्वकप २०२६ अन्तर्गत दक्षिण अमेरिकी महादेशको छनोट खेलमा ब्राजिलमाथि अर्जेन्टिनाले जित हात पारेको छ। 

चिरप्रतिद्वन्द्वी ब्राजिलको घरेलु मैदानमा अर्जेन्टिनाले १-० जित निकालेको हो।

६३ मिनेटमा निकोलास ओटामेन्डीले गोल गर्दै अर्जेन्टिनालाई अग्रता दिलाए।

जितपछि अर्जेन्टिना शीर्ष स्थानमा छ। अर्जेन्टिनाको ६ खेलबाट १५ अंक छ। दोस्रो स्थानको उरुग्वेको १३ अंक छ।

समान खेलमा ७ अंक जोडेको ब्राजिल भने सातौँ स्थानमा छ।