चर्चब्वाइजलाई पराजित गर्दै आर्मी फाइनलमा

जारी आहारारा गोल्डकपमा आज भएको दोस्रो सेमिफाइनल खेलमा आर्मी क्लबले चर्चब्वाइज युनाईटेड क्लबलाई २-१ ले पराजित गर्दै फाइनलमा पुगेको छ । 

चर्चब्वाइजविरुद्ध आर्मीका दिनेश हेन्जनसे गोल गरेका थिए। आर्मीले करिब ३० यार्ड टाढा फ्रिकिक पाएको थियो जसलाई दिनेश हेन्जनले उत्कृष्ट गोलमा परिणत गरे ।  

चर्च ब्वाइजका समिर तामाङले खेल सकिन पाँच मिनेट बाकी रहदा बराबरी गोल फर्काए । उनले धिरज थजालीको थ्रु-बलमा उत्कृष्ट गोल गरेको थियो। 

आर्मीले खेलको १०० औं मिनेटमा पुनः अग्रता लिएको थियो। रास बहादुर मगरले बसन्त जिम्बाको क्रसमा हेड गोल गर्दै आर्मीलाई २-१ को अग्राता दिलाए । त्यसपछि कुनै पनि गोल नहुदा खेल आर्मीले २-१ को जितेको थियो।

अब आर्मीले उपाधीको लागि थ्रीस्टारसंग शनिबार सामना गर्नेछ।