एपिएफ च्याम्पियन्स लिगको पट ३ मा

काठमाडौं । एएफसी महिला च्याम्पियन्स लिग प्रारम्भिक चरणको ‘ड्र’ सार्वजनिक भएको छ।

एसियाली फुटबल महासंघ (एएफसी)ले मंगलबार गरेको छनोटको ‘ड्र’ अनुसार नेपालको एपिएफ क्लब पट ३ मा परेको हो। 

यो पोटमा युएईको अबुधाबी, सिंगापुरको लियो सिटी साइलर्स, भुटानको थिम्पु र साउदी अरेबियाको अल नासर एफसी छन्।

यसैगरी पोट १ मा उज्वेकिस्तानको पिएफसी नसाफ, म्यानमारको मायावाडी, इरानको बिएम खातुन र भारतको ओडिशा तथा पोट २ मा हंकङकङ किट्ची एससी, लाओसको योङ इलाफेन्ट जोर्डको इत्तिहाद र सबह एफसी छन् ।

प्रारम्भिक चरणका खेल २५ देखि ३१ अगस्टसम्म हुनेछ। प्रारम्भिक चरणबाट हरेका समूहका शीर्ष टोलीले समूह चरणका लिगा स्थान सुरक्षित गर्नेछ।

प्रतियोगिताका लागि एपिएफ महिला टोलीले प्रशिक्षण सुरु गरेको छ।

राष्ट्रिय टोलीका प्रशिक्षकसमेत रहेका राजेन्द्र तामाङलाई क्लबले मुख्य प्रशिक्षक बनाएको छ। यसैगरी गोलकिपर प्रशिक्षक विनोद डंगोल पनि अनुबन्ध भएका छन्।

एपिएफले पहिलो पटक महिला च्याम्पियन्स लिगको प्रारम्भिक छनोट खेल्न लागेको हो।