दोस्रो व्हीलचियर एसिया कप नेपालमा अक्टोबर २ देखि हुने

अन्तराष्ट्रिय व्हीलचियर क्रिकेट काउन्सिलले दोस्रो व्हीलचियर एसिया कप नेपालमा आयोजना गर्ने भएको छ।

दोस्रो संस्करणको यस प्रतियोगिता अक्टोबर २ देखि ८ सम्म हुनेछ।

पाकिस्तानमा हुने भनिएको यस प्रतियोगिता विभिन्न समस्याको कारण नेपालमा हुन लागेको हो।

प्रतियोगितामा नेपालसहित पाकिस्तान, भारत, बांगलादेश र श्रीलंकाको सहभागिता रहने छ।

पहिलो संस्करणको एसिया कप पनि नेपालले नै आयोजना गरेको थियो।

भारतलाई हराउदै पहिलो संस्करणको उपाधि पाकिस्तानले जितेको थियो।