एसीसी कपमा युएईको सानदार जित

काठमाडौ- जारि एसीयन क्रिकेट काउन्सिल(एसीसी) प्रिमियर कपमा आज भएको खेलमा युएईले सिंगापुरविरुद्ध सानदार जित निकालेको छ । 

कीर्तिपुरस्थित टियु मैदान भएको खेलमा सिंगापुरविरुद्ध युएई २०१ रनको फराकिलो अन्तरले विजयी भएको हो।

युएईले जितका लागी दिएको  ४७२ रनको विशाल लक्ष्य पछ्याएको सिंगापुरले निर्धारित ओभरमा ९ विकेट गुमाएर २७० रन मात्र बनायो ।

सिंगापुरका लागि मनप्रित सिंहले सर्वाधिक ६६ रनको अर्धशतकीय ईनिङ खेले ।

युएईका लागि सचिन शर्मा,कार्तिक मैयप्पन र आयान खानले समान २-२ विकेट लिए । 

त्यसअघि सुरुवातमा टस जितेर पहिले ब्याटिङ गरेको युएईले ५० ओभरमा अलआउट हुदै ४७१ रन बनाएको थियो।

युएईका लागि कप्तान तथा ओपनर मुहम्मद वासिमले  १६० रन र वृत्य अरबिन्दले १७४ रन बनाए।

सिंगापरका लागि अदिद्य भार्गभले सर्वाधिक ४ विकेट लिदा रमेश कलिमुथुले ३ विकेट र विनोद बसकरनले २ विकेट लिए । 

यो जितसंगै समुह बि मा रहेको युएईले ३ खेलमा ४ अंक बटुल्दा सिंगापुरले तिन खेल खेल्दा जितविहिन रहेको छ।