आइपिएलमा हैदराबादविरुद्ध कोलकत्ता विजयी

काठमाडौ- जारी इन्डियन प्रिमियर लिग आइपिएलमा सनराईजर्स हैदराबादलाई कोलकत्ता नाईट राईडर्सले पराजित गरेको छ । 

राति भएको खेलमा कोलकत्ताले घरेलु टोलि हैदराबादलाई ५ रनले पराजित गरेको हो।

कोलकत्ताले जितका लागी दिएको १७२ रनको मध्यम लक्ष्य पछ्याएको हैदराबादले निर्धारित ओभरमा खेल्दै ८ विकेट गुमाएर १६६ रन मात्र बनायो। 

त्यसअघि सुरुवातमा टस जितेर पहिले ब्याटिङ गरेको कोलकत्ताले निर्धारित २० ओभरमा ९ विकेट गुमाउदै १७१ रन बनाएको थियो। 

यो जितसंगै कोलकत्ता १० खेलमा ८ अंकका साथ तालिकाको आठौं स्थानमा कायम रहेको छ ।  उता पराजित भएको हैदराबाद समान खेलमा ६ अंकका साथ नवौ स्थानमा रहेको छ।