साफ यू-१९ः माल्दिभ्सलाई बराबरिमा रोक्दै पाकिस्तान सेमिफाइनलमा

काठमाडौ- नेपालमा जारि साफ यू-१९ फुटबलमा समूह बी को दोस्रो खेलमा माल्दिभ्सलाई बराबरिमा रोक्दै पाकिस्तान सेमिफाइनल प्रवेश गरेको छ।

त्रीपुरेश्वरस्थित दशरथ रंगशालामा भएको खेलमा माल्दिभ्स र पाकिस्तानले १-१ गोलको बराबरि खेलेका हुन्।

माल्दिभ्सका लागी खेलको ३९ औ मिनेटमा कप्तान सनान रसिदले गोल गर्दै टिमलाई अग्रता दिलाएका थिए।

त्यस्तै खेलमा दोस्रो हाफको १७ औ मिनेटमा पाकिस्तानका मुहामद जफरले गोल गरेपनि रेफ्रिले त्यसलाई अफसाइड दिएका थिए।

दोस्रो हाफको ३९ औ मिनेटमा पाकिस्तानका साह जहानले गोल गर्दै खेललाई १-१ गोलको बराबरिमा फर्काएका थिए।

यो नतिजासंगै समूह बी मा शिर्ष स्थानमा रहदै पाकिस्तानले सेमिफाइनलमा स्थान सुरक्षित गरेको छ। 

पाकिस्तानको २ खेलमा ४ अंक रहेको छ। उता १ अंक जोडेको माल्दिभ्सले सेमिफाइनल प्रवेशका लागी घरेलु टोली नेपाल संग खेल्नेछ।

पहिलो खेलमा पाकिस्तानसंग पराजित भएको नेपाल अंकविहिन रहेको छ।