पाकिस्तानले अफगाानिस्तानलाई हरायो

पाकिस्तानले अफगाानिस्तानविरुद्धको तीन खेलको ओडिआई सिरिज क्लिन स्विप गरेको छ । 

तेस्रो तथा अन्तिम ओडिआई पाकिस्तानले ५९ रनले जितेको थियो ।

पाकिस्तानले दिएको २ सय ६९ रनको लक्ष्य पछ्याएको अफगानिस्तान ४८ दशमलब ४ ओभरमा २ सय ९ रनमा अलआउट भयो । 

अफगानिस्तानका लागि मुजिब उर रहमानले ३७ बलमा ५ चौका र ५ छक्कासहित ६४ रनको अर्धशतकीय ईनिङ खेले पनि टोलीको हार टार्न भने सकेनन् ।

त्यसअघि टस जितेर पहिला ब्याटिङ रोजेको पाकिस्तानले निर्धारित ५० ओभरमा ८ विकेट गुमाउँदै २ सय ६८ रन बनाएको थियो ।

पाकिस्तानका विकेटकिपर मोहम्मद रिजवान र बाबर अजामले अर्धशतकीय ईनिङ खेलेका थिए । रिजवानले ७९ बलमा ६ चौका र १ छक्कासहित ६७ रनको योगदान दिए । 

कप्तान बाबरले ८६ बलमा ४ चौका र १ छक्कासहित ६० रन बनाए ।