इन्दु बर्मा चम्किदा नेपालको लगातार दोस्रो जित

नेपालले चार देश सम्मिलित महिला टी-ट्वान्टी आई सिरिजमा लगातार दोस्रो जित दर्ता गरेको छ।

नेपालले दिएको ९० रनको लक्ष्य पछ्याएको कुवेतले निर्धारित २० ओभरमा ८ विकेट गुमाउँदै ५५ रन बनायो ।

नेपालको लागी इन्दु बर्माले ३ तथा खुशी डंगोलले २ विकेट लिइन् ।

ईश्वरी विष्ट, कविता कुँवर र सीता रानामगरले समान १/१ विकेट लिइन् ।

त्यसअघि टस हारेर पाहिला ब्याटिङ गरेको नेपालले निर्धारित २० ओभरमा ८ विकेट गुमाउँदै ८९ रन बनाएको थियो । 

नेपालका लागि ईन्दु बर्माले सर्वाधिक २३ रन बनाईन् ।

बिन्दु रावलले २० रन बनाउँदा काजल श्रेष्ठले अविजित १९ रन बनाईन् । नेपालका अन्य खेलाडीले दोहोरो अंकमा रन बनाउन सकेनन् ।