भारतसंगको हारसंगै बाहिरियो नेपाल

जारि एशिया कपमा नेपाल भारतसंग पराजित हुदै प्रतियोगिताबाट बाहिरिएको छ।

उता भारत नेपाललाई १० विकेटले पराजित सुपर चारमा पुगेको छ ।

बर्षाले खेल अवरुद्ध भएपछि डक वर्थ लुइस नियम अनुसार भारतलाई २३ ओभरमा १४५ रनको लक्ष्य दिइएको थियो ।

भारतको जितमा कप्तान रोहित शर्माले अविजित ७४ रन बनाए भने शुभमन गीलले अविजित ६७ रन बनाए ।

टस हारेर पहिला ब्याटिंग गर्दै ४८.२ ओभरमा अल आउट हुदै २३० रन बनाएको थियो ।

नेपालका लागि आसिफ सेखले सर्बाधिक ५८ रन बनाएका थिए भने उनले पहिलो विकेटका लागि कुशल भुर्तेलसँग ६५ रनको शानदार साझेदारी गरेका थिए ।

त्यस्तै कुशल भुर्तेल ३८ रन बनाएर आउट भएका थिए ।

सोमपाल कामीले उत्कृष्ट ब्याटिंग गर्दै ४८ रन बनाएका थिए । सोमपालले दिपेन्द्र सिंह ऐरीसँग ५० रन र सन्दीप लामिछानेसँग ३४ रनको महत्वपूर्ण साझेदारी गरेका थिए ।

त्यसैगरी दिपेन्द्र सिंह ऐरी २७, भीम सार्कीले ७, कप्तान रोहित पौडेलले ५, कुशल मल्लले २, गुलशन झाले २३, सन्दीप लामिछानेले ९ रन बनाएर आउट भएका थिए ।

त्यस्तै करण केसीले  अविजित २ रन बनाए भने ललित राजबंशी शुन्यमा आउट भएका थिए  ।